परराष्ट्रको लेटरप्याडमा हस्ताक्षर कसको हो सरकार ?
नेपालबहस संवाददाता
कात्तिक २०, २०७६ बिहिबार ०:४३:४५
२० कार्तिक, काठमाडौं । कालापानी, लिपुलेक र लिम्पियाधुरा क्षेत्र वास्तविक रुपमा नेपालको भएपनि कागजीरुपमा भारतको भएको नक्सा भारतीय प्रधानमन्त्री नरेन्द्र मोदी प्रशासनले जारी गरेपछि अन्यौलमा परेको नेपाल सरकारले आज मुख खोलेको छ । प्रतिपक्ष, जनस्तर र आफ्नै भ्रातृसंगठन सडकमा उत्रेपछि साँझपख बल्ल सरकारले सो भु-भाग नेपालकै भएको तथा भारत सरकारले बलमिच्याईं गरेको ठहर गरेको र सो नक्सा नेपाल सरकारलाई अमान्य भएको जानकारी गराएको छ ।
परराष्ट्र मन्त्रालयले आज एक विज्ञप्ति जारी गरी कालापानी क्षेत्र नेपालको भूभाग भएको स्पष्ट पारेको छ । भारत सरकारले हालै प्रकाशित गरेको राजनीतिक नक्साप्रति आपत्ति प्रकट गर्दै दुई देशबीच सुल्झाउन बाँकी रहेका सीमासम्बन्धी विषयहरु दुवै पक्षको आपसी सहमतिमा टुंग्याउनु पर्नेमा भारतीय सरकारको ध्यान खिचेको छ । सरकारले एकपक्षीय ढंगबाट गरिने कुनै पनि निर्णय नेपाल सरकारलाई अमान्य हुने कुरा विज्ञप्तीमार्फत स्पष्ट पारेको छ ।
सरकारी लेटरप्याडको एकपाने कागजमा प्रकाशित उक्त विज्ञप्तीमा हस्ताक्षर त छ तर त्यो हस्ताक्षर कसको हो र कुन दर्जाको अधिकारीले हस्ताक्षर गरेको हो भनेर खुलाइएको छैन् । कुनै लिखतमा नाम, थर, वतन, पद र सो नामको कुनै छाप काटिएको भए सो समेत लगाएर सहीछाप गर्नुपर्ने पुरानो कानुनी व्यवस्था हो तर, यो विज्ञप्तिमा नाम, थर, पद केही पनि छैन । सरकारको काईते विज्ञप्तीपछि सामाजिक सञ्जालमा व्यापक बिरोध भैरहेको छ र सरकार भारतसँग डराएको हो भन्दै आलोचना भैरहेको छ ।
नेपाल सरकार अन्तर्राष्ट्रिय सिमाना रक्षाको लागि प्रतिवद्ध रहेको र दुई मित्र राष्ट्रबीचको सीमा समस्याको समाधान ऐतिहासिक दस्तावेज एवम् तथ्य प्रमाणहरुको आधारमा कूटनीतिक माध्यमबाट हुनुपर्ने पक्षमा रहेको पनि नेपाल सरकारले स्पष्ट पारेको छ ।
विद्यार्थी संगठनको विरोध
भारतीय सरकारको रवैया प्रति कडा प्रतिवाद सहितको विज्ञप्ती नेपाली कांग्रेस समर्थक यूवा संगठन तरुण दलले बिहानै जारी गरेको थियो । तरुण दलले सडक प्रदर्शन गर्नुका साथै सरकारसँग यस विषयमा आधिकारिक धारण सार्वजनिक गर्न समेत माग गरेको थियो ।
यही क्रममा सत्तारुढ तथा विपक्षी दलसम्बद्ध विद्यार्थी संगठनले पनि भारतविरोधी प्रदर्शन गरेका छन् । उनीहरुले ‘गो ब्याक इन्डिया’ को नारा लगाउँदै नेपाली भूमि अतिक्रमण प्रयासको चर्को विरोध गरे । राजधानीको भृकुटीमण्डपमा भेला भएका विद्यार्थी संगठनले कालापानी, लिपुलेक र लिम्पियाधुरासहितको भूभाग नेपालको भएको भन्दै तत्काल नक्सा सच्याउन माग गरे ।
र याे पनि… दिल्लीबाट जारी नयाँ नक्साप्रति कांग्रेसको ध्यानाकर्षण
भारतको अघोषित नाकाबन्दीको समयमा नेपालमा ‘गो ब्याक इन्डिया’ नारा लाग्ने गर्थे । सोही बेलालाई सम्झाउने गरी अहिले पनि भारतको विरोधमा चर्को नाराबाजी भएको हो ।
३७२ वर्ग किलोमिटर अतिक्रमित नेपाली भूभागलाई औपचारिक रूपमा आफ्नो नक्साभित्र पारेर भारतले आफ्नो हेपाहा र विस्तारवादी नीतिलाई प्रदर्शन गरेको छ ।
उता सत्तारूढ दल नेपाल कम्युनिष्ट पार्टी (नेकपा) समर्थक विद्यार्थी संगठनले भारतले नेपाली भूमि आफ्नो नक्सामा राखेकामा आज चर्को विरोध गरेको छ । संगठनले आज दिउँसो प्रदर्शनी मार्गस्थित आरआर क्याम्पसबाट निस्केको प्रदर्शन पुतलीसडक, बागबजार हुँदै रत्नपार्कमा गई कोणसभामा परिणत भएको थियो ।
विद्याथी संघले निकालेको प्रदर्शमा सहभागी विद्यार्थीले नेपालको ‘गो ब्याक इन्डिया, ‘मिचिएको हाम्रो भूमि फिर्ता गर’ ‘भारतीय विस्तारवाद मुर्दावाद’ कालापानी, लिपुलेक र लिम्पियाधुरा हाम्रो हो’, ‘आफ्नो माटो, अर्काले दाब्दा किन मौन सरकार’,जस्ता विभिन्न नारा लेखिएको प्लेकार्ड र व्यानर बोकेर प्रदर्शन गरेका थिए । अखिलका संयोजक ऐन महरले नेपालको एक इन्च भूमि पनि भारतीय पक्षले मिच्न नपाइने भन्दै भारतीय पक्षलाई नक्सा सच्याउन जोडदार माग गरेका छन् ।
सर्वसाधारण र राजनीतिक दलको आक्रोश
भारतीय प्रशासनले सार्वजनिक गरेको नक्सामा नेपाली भूमि समेतलाई हडपिदिएपछि नेपालमा जनस्तरबाट फेरि भारतीय शासकहरुको चर्को विरोध भइएको छ । भारतले फेरि ठूलाेभाइ प्रवृत्ति देखाउँदै नेपालको सार्वभौमिकतामाथि प्रहार गरेको र भारतले हेपाहा प्रवृत्ति देखाएको भन्दै विभिन्न राजनीतिक दलका नेतादेखि सर्वसाधारणसम्मले विभिन्न माध्यमबाट चर्को विरोध गर्दै आइरहेका छन् ।
नेपालको दार्चुला जिल्लामा पर्ने लिपुलेक, लिम्पियाधुरा र कालापानी क्षेत्रलाई भारतले सन् १९६२ देखि सैनिक अतिक्रमण गरेर कब्जा गर्दै आएको छ । यसबीच, काश्मीर र लद्दाखको नयाँ अवस्थितिलाई चित्रित गर्ने क्रममा जारी गरेको नयाँ नक्सामा भारतले औपचारिक रूपमै उक्त अतिक्रमित नेपाली भूमिलाई समेत आफ्नो भूमिका रूपमा चित्रित गर्दै नक्साभित्र राखेर नयाँ नक्सा सार्वजनिक गरेको हो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपयस्ता छन् बिहीबारको मन्त्रिपरिषद् बैठकको निर्णय
चैत १६, २०८० शुक्रबार
सर्वोच्चले गरिदियो कांग्रेस सांसद गुरुङको निलम्बन फुकुवा
चैत १६, २०८० शुक्रबार
मन्त्रीहरुलाई राष्ट्रिय सभामा उपस्थित हुन निर्देशन
चैत १६, २०८० शुक्रबार
डीएसपी बढुवा सिफारिसमा किन विवादमा आए प्रधानमन्त्री प्रचण्ड र अध्यक्ष ओली ?
चैत १६, २०८० शुक्रबार
पृथ्वीबाट अचानक रक्सी पूरै गायब भयो भने के हुन्छ ?
चैत १६, २०८० शुक्रबार
उप निर्वाचनलक्षित एजेन्डा पास गर्दै किसान महासंघ केन्द्रीय समितिको बैठक इलाममा सम्पन्न
चैत १६, २०८० शुक्रबार
यस्ता छन् बिहीबारको मन्त्रिपरिषद् बैठकको निर्णय
चैत १६, २०८० शुक्रबार
सेती नदीमा डुबेर डोटीमा एक किशोरको मृत्यु
चैत १६, २०८० शुक्रबार
कम्युनिष्टसँग सहकार्य गर्दा कांग्रेसले गुमाएको गौरव
चैत १६, २०८० शुक्रबार
बङ्गलादेशी नागरिकलाई नेपाल ल्याई बन्धक बनाउने पक्राउ
चैत १६, २०८० शुक्रबार
दार्चुलामा भिरबाट लडेर एक वडा सचिवको घटनास्थलमै मृत्यु
चैत १६, २०८० शुक्रबार