आज र भोलि मध्य र पश्चिमका धेरै ठाउँमा पानी पर्ने सम्भावना

२० कार्तिक, काठमाडौं । जल तथा मौसम पूर्वानुमान महाशाखाले अरब सागरमा बनेको चक्रवातको प्रभाव नेपालमा परेको जनाएको छ ।

पश्चिमी वायु् र चक्रवातको प्रभावका कारण अहिले देशका सबैजसो ठाउँको मौसम बद्ली भएको जल तथा मौसम पूर्वानुमान महाशाखाले अनुमान गरेको छ ।

मौसम बद्लीसँगै आज धेरै ठाउँमा पानी पर्ने अनुमान पनि गरिएको छ । आज र भोलि बिहीबार मध्य र पश्चिमका धेरै ठाउँमा पान पर्ने मौसमविद्को अनुमान छ । यस्तै पूर्वका केही ठाउँमा पनि पानी पर्ने सम्भावना रहेको छ ।

आगामी तीन दिनको मौसम पूर्वानुमान

कार्तिक २० गते (बुधबार)

राती: देशको पश्चिम भु-भाग लगायत  मध्य र पूर्वी पहाडी भुभागमा आंशिक देखि सामान्य  बदलि रही बाँकी भु-भागमा आंशिक बदलि रहने छ। देशका पश्चिम र मध्य भूभागका एक दुइ स्थानमा हल्का वर्षा र उच्च पहाडी र हिमालि  भु-भागमा हिमपातको सम्भावना रहेको छ ।

कार्तिक २१ गते (बिहिबार)

दिउँसो: देशको पश्चिम र मध्य भु-भाग लगायत पूर्वी पहाडी भुभागमा आंशिक देखि सामान्य  बदलि   रही बाँकी भु-भागमा आंशिक बदलि रहने छ। देशका पश्चिमी भूभाग साथै पूर्वी र मध्य पहाडि भु-भागका  एक दुइ स्थानमा हल्का वर्षा र उच्च पहाडी र हिमालि  भु-भागमा हिमपातको सम्भावना रहेको छ ।

राती: देशको पश्चिम भु-भागमा आंशिक देखि सामान्य  बदलि रही मध्य र पूर्वी पहाडी भुभागमा आंशिक बदलि र बाँकी भु-भागमा सामान्यतया सफा रहने छ। देशका पश्चिमी भूभाग साथै पूर्वी र मध्य पहाडि भु-भागमा एक दुइ स्थानमा हल्का वर्षा र उच्च पहाडी र हिमालि  भु-भागमा हिमपातको सम्भावना रहेको छ ।

कार्तिक २२ गते (शुक्रबार)

दिउँसो: देशको पहाडी भु-भागमा आंशिक देखि सामान्य बदलि रहि पुर्वी तराइका भु-भागमा आंशिक बदलि रहने छ र बाँकि भु-भागमा सामान्यतया सफा रहने देखिन्छ। देशका पहाडि भूभागको एक दुइ स्थानमा हल्का वर्षा र हिमालि भु-भागमा हिमपातको सम्भावना रहेको छ ।

राती: देशको पहाडी भुभागमा आंशिक बदलि रही बाँकी भु-भागमा सामान्यतया सफा रहने छ।

आगामी २४ घण्टाका लागि चेतावनी तथा परामर्श (Warning/Advisory for next 24 hrs.):–

देशको पहाडी भुभागमा आंशिक देखि सामान्य बदली रहि एक दुइ स्थानमा हल्का बर्षा साथै उच्च पहाडी र हिमालि  भूभागमा हिमपातको संभावना रहेकोले सामान्य सतर्कता अपनाउनुहोला।