विद्या भट्टराई
Advertisement

२१ कार्तिक, काठमाडौं । देशभर सत्तापक्ष र प्रतिपक्षमा रहेका पार्टीबाट टिकट लिएका उम्मेदवारहरू धमाधम आफ्नो नाम दर्ता गराउँन व्यस्त रहेका बेला सत्तारूढ दललाई नै हल्लाउने गरी कास्की क्षेत्र नं.२ मा कमलजंग कुँवरले मनोनयन दर्ता गरेका छन् । यो मनोनयनले राजनीतिक वृत्तमा विशेष अर्थ राखेको एक राजनीतिक विश्लेषकले नेपालबहसलाई बताए ।

प्रतिनिधिसभा सदस्यका लागि हुने निर्वाचनमा नेकपा नेताले बागी उम्मेदवारी दर्ता गराउनु सामान्य विषय नभएको उनको तर्क छ । उनले भने : देशमा दुई तिहाई बहुमतको धक्कु लगाउँदै नेपाल कम्युनिष्ट पार्टी (नेकपा)ले शासन गरेको मात्रै छैन, यसले पार्टीका नेता कार्यकर्तालाई र निम्न वर्गका जनतालाई शासन र हैरानी दिइरहेको प्रस्ट झल्को यो उम्मेद्वारीले दिएको छ ।

पार्टी अध्यक्षसमेत रहेका प्रधानमन्त्री खड्गप्रसाद ओलीको बगलीबाट निस्किएको नेकपाकी आधिकारिक उम्मेदवार विद्या भट्टराई मनोनयन दर्ता गराउन पुग्दा नपुग्र्दै बाघी उम्मेद्वार कुँवरले स्वतन्त्र उम्मेदवारी दर्ज गरिसकेका थिए । उनी नेकपाकै कार्यकर्ता हुन् ।

Advertisement

कास्की प्रकरणले अब विद्यालाई साहनुभुति दिने बालुवाटार मात्रै भएको पुष्टि भएको ती नेताले नेपालबसहलाई बताए । उनले भने : राजनीतिमा के–को सहानुभुति ? अब हुने चुनावमा दल हेरेर होइन व्यक्ति र उसको चरित्र हेरेर भोट हाल्ने हो । समाज र देशका लागि अपरिहार्य, राष्ट्रिय स्तरमा बहस गर्न सक्ने व्यक्ति चुन्न नागरिकले पछि पर्न नहुने उनको तर्क छ ।

विद्याको प्रस्तावक नेकपा जिल्ला अध्यक्ष तथा प्रदेश सभा सदस्य कृष्ण थापा बसेका छन् भने समर्थकमा प्रदेशसभा सदस्य प्रभा कोइराला रहेकी छिन् । निर्वाचन कार्यतालिका अनुसार २४ गते उम्मेदवारको अन्तिम नामावली सार्वजनिक हुनेछ। कार्तिक २५ गते उम्मेदवारलाई चुनाव चिह्न दिइनेछ। निर्वाचनमा यस अघि भाग लिइसकेका ८५ वटा पुरानै दल सहभागी हुँदैछन्। यस्तै, १६ वटा नयाँ दलले पनि निर्वाचनमा सहभागिता जनाउनेछन्।

Advertisement

प्रतिक्रिया दिनुहोस

कृपया तपाईंको प्रतिक्रिया दिनुहोस्!
कृपया यहाँ तपाईंको नाम प्रविष्ट गर्नुहोस्