विप्लवका नेता आजाद मध्यरातमा गिरफ्तार

२२ कार्तिक, काठमाडौं । विप्लव नेतृत्वको नेपाल कम्यूनिष्ट पार्टीका निबर्तमान केन्द्रिय सदस्य टेक बहादुर केसी ‘आजाद’लाई प्रहरीले गिरफ्तार गरेको छ ।

प्रहरीले गए राती सेल्टरबाट आफ्ना नेतालाई गिरफ्तार गरेर बेपत्ता पारेकोमा नेकपाले गम्भिर आपत्ति जनाएको छ । यता प्रहरी स्रोतले भने आजादलाई गिरफ्तार गर्नुको कारण भने खुलाएको छैन ।

पछिल्लो पटक नेकपाका नेता कार्यकर्ताहरु कमजोर कार्यशैलीका कारण गिरफ्तारमा पर्ने गरेका छन् । केही समय अघि पनि प्रहरीले पिप्लवका दाजु बिरजंगसहितका २१ जना नेता कार्यकर्तालाई राप्ती ब्युरो बैठक बसिरहेका बेला मध्यरातमै गिरफ्तार गरेको थियो ।

समाचार स्रोतका आधारमा पक्राउ परेका उनीहरुलाई दाङ प्रहरी कार्यालयको हिरासतमा राखेर अनुसन्धान भैइरहेको छ ।