मौसम पूर्वानुमान : चक्रवात “बुलबुल” बंगालादेश नजिक, नेपालमा कम प्रभाव

२४ कार्तिक काठमाडौं । जल तथा मौसम पूर्वानुमान महाशाखाका अनुसार देशको पूर्वी तथा मध्य भू-भागमा आंसिक बदली र बाँकी भू-भागमा मौसम सामान्यतया सफा रहने भएको छ ।

मौसम पूर्वानुमानका अनुसार आज देशको पूर्वी भुभाग लगायत मध्य पहाडी भू-भागमा आंशिक बदलि रही बाँकी भु-भागमा मौसम सामान्यतया सफा रहने छ। यस्तै आज राती देशको पूर्वी तथा मध्य पहाडी भू-भागमा आंशिक बदलि रही बाँकी भु-भागमा मौसम सामान्यतया सफा रहने मौसमको दैनिकी बुलेटिनमा उल्लेख छ ।

यसैबिच, भारत तथा बंगालादेशका क्षेत्रमा प्रभाव पारेको बुलबुल चक्रवाती आँधीको प्रभाव नेपाल भने नपर्ने जल तथा मौसम पूर्वानुमान महाशाखाले जनाएको छ ।

बुलबुल चक्रवात अहिले बंगालको खाडी हुँदै बंगादेशको दक्षिण तर्फ पुगेको छ । यसका कारण भारतको पश्चिम बंगाल र बंगलादेशको दक्षिणी क्षेत्रमा प्रभाव परेको छ । ती क्षेत्रमा ल्याण्ड फल भएको छ ।

तर सो चक्रवातको प्रभाव अब नेपालमा नपर्ने मौसमविद गंगा नगरकोटीले जानकारी दिइन् । शनिबारसम्म पूर्वी नेपालमा सो आँधीको प्रभाव थियो तर बिस्तारै बंगलादेशको दक्षिण तर्फ बुलबुल गएकाले प्रभाव कम भएको छ । उच्च वायुमण्डलमा केही बादल बनेको भए पनि नेपालमा त्यसको प्रभाव कम हुँदै जाने मौसमविद नगरकोटीको भनाई छ ।

आगामी तीन दिनको मौसम पूर्वानुमान

कार्तिक २४ गते (आइतबार)

दिउँसो: देशको पूर्वी भुभाग लगायत मध्य पहाडी भू-भागमा आंशिक बदलि रही बाँकी भु-भागमा मौसम सामान्यतया सफा रहने छ।

राती: देशको पूर्वी तथा मध्य पहाडी भू-भागमा आंशिक बदलि रही बाँकी भु-भागमा मौसम सामान्यतया सफा रहने छ।

कार्तिक २५ गते (सोमबार)

दिउँसो: देशको पूर्वी तथा मध्य पहाडी भू-भागमा आंशिक बदलि रही बाँकी भू-भागमा मौसम सामान्यतया सफा रहने छ।

राती: देशको पूर्वी पहाडी भू-भागमा आंशिक बदलि रही बाँकी भू-भागमा मौसम सामान्यतया सफा रहने छ।

कार्तिक २६ गते (मंगलबार)

दिउँसो: देशको पूर्वी तथा मध्य पहाडी भू-भागमा आंशिक बदलि रही बाँकी भू-भागमा मौसम सामान्यतया सफा रहने छ।

राती: देशको पूर्वी तथा मध्य पहाडी भू-भागमा आंशिक बदलि रही बाँकी भू-भागमा मौसम सामान्यतया सफा रहने छ।