सुनको भाउ पुनः उकालो, प्रतितोला ७१ हजार रुपैयाँमा कारोबार !

२४ कार्तिक, काठमाडौं । नेपाल सुनचाँदी व्यवसायी महासंघका अनुसार साताको पहिलो दिन आइतबार सुनको भाउ पुनः उकालो लागेको छ ।

शुक्रबार ६९ हजार ९ सय रुपैयाँमा कारोबार भएको छापावाला सुन आज प्रतितोला ७१ हजार रुपैयाँमा कारोबार भैइरहेको छ ।

महासंघका अनुसार तेजावी सुन प्रतितोला ७० हजार ७ सय रुपैयाँमा कारोबार भईरहेको छ । शुक्रबार तेजावी सुन प्रतितोला ६९ हजार छ सयमा कारोबार भएको थियो ।

आज चाँदी प्रतितोला ८ सय ४० रुपैयाँमा कारोबार भइरहेको छ । शुक्रबार चाँदी प्रतितोला आठ सय ३५ रुपैयामा कारोबार भएको थियो ।