प्रधानमन्त्री ज्यु दृढ़ पहल होस्, हामी साथमा खडा छौ : कांग्रेस प्रवक्क्ता शर्मा

२४ कार्तिक, काठमाडौं । नेपाली कांग्रेसका प्रवक्क्ता विश्व प्रकाश शर्माले प्रधानमन्त्री ज्यु दृढ़ पहल होस्,हामी साथमा खडा छौं भनेका छन् ।

आइतबार राती सामाजिक सञ्जालमा एक स्टाटस पोष्ट गर्दै भारतीय जारी गरेको नयाँ नक्सामा नेपालको भु भाग समेटिएको विषयमा अंग्रेजसंग झुकेनौं,कहिलै पराधिन भएनौ  तर हिंसा,अस्थिरता र आपसी द्वन्दमा लाग्दा हाम्रो कालापानी हाम्रो भएन भनेर उनले सिमाका विषयमा प्रधानमन्त्रीलाई साथ दिएका छन् ।

उनको स्टाटसमा अघि लेखिएको छ, राजनैतिक वाद र विवाद भुलेर सिंगो देश आज यो मुद्दामा एक ढिक्का छ । कालापानी लगायतको भुमी अहिलेपनि फिर्ता नलिए कहिले लिने ?

यता, भारतीय नयाँ नक्साका विषयमा उठेका प्रश्नबारे छलफल गर्न सोमबार परराष्ट्रमन्त्री प्रदीपकुमार ज्ञवालीलाई प्रतिनिधिसभा, अन्तर्राष्ट्रिय सम्बन्ध समितिले छलफल गर्ने भएको छ । भने भोली सोमबार नै प्रधानमन्त्री केपी शर्मा ओलीसँग सांसदहरुले भारतले जारी गरेको नयाँ नक्साबारे प्रधानमन्त्री ओलीसँग छलफलको माग गरेपछि सुशासन समितिले छलफलका लागी प्रधानमन्त्री ओलीलाई बोलाएको छ ।

भारतीय नयाँ नक्सामा नेपाली भूभाग ‘लिपुलेक, कालापानी’ परेको भन्दै नेपालमा सर्वत्र विरोध भइरहेको छ । तर, भारतले नेपाली भूभाग नपरेको दाबी गर्दै आएको छ ।