अब घरमै स परिवारको साथमा हेर्नुस, 'पोई पर्या काले' डिसहोमको १०८ मा
Advertisement

२५ कार्तिक काठमाडौं । कार्तिक ८ गते बाट प्रदर्शनमा आएको फिल्म ‘पोई पर्या काले’ डिसहोमको सिनेमा घर च्यानल नम्बर १०८ मा रिलिज भएको छ ।

हलमा समेत सफल रहेको यो चलचित्र कार्तिक २२ गते शुक्रबारबाट डीसहोममा रिलिज भएको हो । हाल सम्म चलचित्र हेर्न नपाएका दर्शकहरुलाई मध्यनजर गर्दै रिलिजमा ल्याइएको चलचित्रलाई दर्शकहरुले रु ३२५ मै घरमा स परिवारको साथमा हेर्न सक्नेछन् ।

चलचित्रमा पूजा शर्मा, आकाश श्रेष्ठ, सौगात मल्ल, श्रृष्टी श्रेष्ठ, सोहित मानन्धर, राजाराम पौडेल लगायतको अभिनय रहेको छ । दैनिक ८ सो रहेको चलचित्रलाई दर्शकहरुले आफ्नो समय अनुकुल मिलाएर हेर्न सक्नेछन ।

Advertisement

किरण नेपाली प्रस्तुतकर्ता रहेको फिल्ममा दिपक मनाङ्गे र सरोज नेपाली निर्माताको रुपमा छन् भने अमलादेवी राई कार्यकारी निर्माताको रुपमा छिन् । शिव ढकालको छायांकन अर्जुन पोखरेल र पुरुषोत्तम न्यौपानेको संगीत, रामजी लामिछाने र कमल राइको कोरियोग्राफी रहेको छ ।

Advertisement

प्रतिक्रिया दिनुहोस

कृपया तपाईंको प्रतिक्रिया दिनुहोस्!
कृपया यहाँ तपाईंको नाम प्रविष्ट गर्नुहोस्