पोखरामा कांग्रेसको प्रचार अभियान तीव्र, खेमराजको पक्षमा माहोल बन्दै, अबको भोट रुखमा नै दिने मतदाताको अश्वासन

२७ कार्तिक,पोखरा । पोखरा वडा नं १७ का स्थानीयबासिन्दाले बिगतमा जुनसुकै चुनाव चिन्हमा मत दिएको भएपनि यो पटक रुख चिन्हमा मत दिने बताएका छन् ।

कास्की क्षेत्र नं २ बाट निष्ठावान र इमान्दार कांग्रेस नेता खेमराज पौडेल उम्मेद्वार भएकोले यो पटक रुखमा नै मतदान गर्ने बुधवार आयोजित घरदैलो कार्यक्रममा उनीहरुले बताएका हुन् । विगतका दिनमा नातापाता हेरेर भोट बाँडियो, त्यसले गर्दा कांग्रेसले हार्यो ।

तर दुई तिहाईको नेकपाले देशमा केही गर्न सकेन, त्यसैले अबको भोट कांग्रेसको रुखलाई नै दिने हो, उनीहरुले भने ।  उनीहरुले उम्मेद्वार खेमराज पौडेललाई घरघरमा माला, अविर र खादा लगाउँदै विजयको शुभकामना प्रदान गरेका थिए ।

उम्मेद्वार खेमराज पौडेलले आफ्नो लडाई कुनै व्यक्तिसँग नभई जनविरोधी पार्टी र त्यसको नीति विरुद्ध भएको बताए ।उनले यो निर्वाचनले सत्ता परिवर्तनमा खासै फरक नपारेपनि देशको राजनीतिलाई सही दिशमा ल्याउने बताए ।

मैले तपाईकाे हितमा काम गर्नेछु, यो उमेर अवस्थामा अब मैले भ्रष्टाचार गर्ने कमाउने भन्ने कुरा हुँदैन । जिन्दगीभर निष्ठाको राजनीति गरेकोले अब मलाई कुनै लोभलालच छैन, उनले भने ।

यसैगरी नेपाली कांग्रेसले पोखरा महानगरपालिकाको वडा नं. ४, ९ र पोखरा २० भलाममा पनि बुधवार पनि घरदैलो तथा प्रचार प्रसार कार्यक्रम जारी राखेको सो पार्टीले जानकारी दिएको छ ।

र याे पनि….मेरो प्रतिस्पर्धा विद्यासँग होइन, नेकपासँग हो :-उम्मेदवार पौडेल