पू्र्खाले लडे नालापानी, हामी लड्छौ कालापानी नारा लगाउँदै भारत विरोध प्रदर्शन

धीरुभाइ

२८, कार्तिक राजविराज । पूर्खाले लडे नालापानी हामी लड्छौ कालापानी मूल नाराका साथ सप्तरीको सप्तकोसी नगरपालिकाको फत्तेपुर बजारमा बुधबार बिहान भारत सरकारविरुद्ध विरोध प्रदर्शन गरेको छ ।

भारतले नेपाली भू–भाग मिचेको भन्दै स्थानीय युवाहरूको अगुवाइमा सप्तकोसी नगरपालिका कार्यालय नजिकबाट निकालिएको ¥याली नगरको विभिन्न भागको परिक्रमा गर्दै फत्तेपुर बजार स्थित लोकतान्त्रिक चोकमा पुगी कोण सभामा परिणत भएको थियो । नगरवासी समेतको सहभागितामा शुरु भएको सो ¥यालीमा सहभागीहरुले भारत विरुद्ध लेखिएको प्लेकार्डसहित नाराबाजी गरेको थियो ।

सहभागीहरुले कालापानी, लिपुलेक र लिम्पियाधुरा हाम्रो हो, गो ब्याक इन्डिया, भारतीय बिस्तारवाद मुर्दाबाद, सीमा मिच्न पाइन्दैन यस्तो छिमेकी चाइन्दैन, एक पक्षिय नक्सा मान्दैनौं, पू्र्खाले लडे नालापानी हामी लड्छौ कालापानी जस्ता प्लेकार्ड बोकेर नगर परिक्रमा गरिएको थियो ।

कालापानी नेपालकै भएकाले यसलाई जोगाउन राष्ट्रिय एकताको खाँचो रहेको कोण सभाका वक्ताहरुले औंल्याउनु भएको छ ।

लिपुलेक कालापानीसहितका नेपाली भू–भाग आफ्नोतर्फ रहेको विवादित नक्सा जारी गरेपछि विरोधमा उत्रिएको बताउदै उनीहरुले भारतले जारी गरेको उक्त नक्सा सच्याउन नेपाल सरकारले उचित प्रमाण र दस्तावेजका आधारमा तत्कालैबाट आवश्यक कूटनैतिक पहल थाल्नुपर्ने मागसमेत गरेका छन् ।

कोणसभामा स्थानीय युवाहरु अजय श्रेष्ठ(रघु), जाहुर हुसेन, अरुण कटवाल, नेपाली काँग्रेसका नगर सभापति रमेश कार्की, नेकपा जिल्ला कमिटि सदस्य सन्तोष खतिवडा लगायतले बोल्नु भएको थियो ।