रुपनी र विष्णुपुरमा आगलागी, करिब एक लाख बराबरको क्षति

धीरुभाइ

२८, कार्तिक राजविराज । सप्तरीको रुपनी र विष्णुपुरमा भएको आगलागीमा एक लाख पचास हजार धनसम्पति क्षति भएको छ । सप्तरीको रुपनी गाउँपालिका ३ मकरी टोलमा मंगलबार आगलागी भएको छ ।

स्थानीय बिनोद कुमार मण्डलको टिनको छानो भएको फुसको घरमा विधुतिय तार सर्ट भई आगलागी भएको हो । आगलागीमा सो घरमा आंशिक रुपमा क्षति भएको छ भने घर भित्र रहेको लत्ताकपडा, अन्नपात, मोबाईल १ थान गरी करिब मुल्य एक लाख पाँच हजार मूल्य बराबरको सम्पति क्षति भएको प्रहरीले जनाएको छ ।

यसैगरी जिल्लाको बिष्णुपुर गाउँपालिका १ खुरहुरिया बस्ने सिताराम यादवको एक तल्ले फुसको भान्सा घरमा खाना पकाउने क्रममा आगलागी भएको छ । चुल्होबाट आगो सल्किएर आगलागी हुँदा भान्साको फुसको घर आंशिक रुपमा जलेको छ भने घर भित्र रहेको लत्ताकपडा, अन्नपात, गरी करिब ४५ हजार बराबरको क्षति भएको प्रहरीले जनाएको छ ।

आगलागी देखेर सिताराम यादवको १६ वर्षीया छोरी संगिता कुमारी यादव बेहोस भएको अवस्थामा स्थानीय मेडिकलमा उपचार भइरहेको जिल्ला प्रहरी कार्यालय सप्तरीका प्रवक्ता प्रहरी नायब उपरीक्षक तिलक भारतीले जानकारी दिएको छ ।