२९ कार्तिक बाँके । नेपाली कांग्रेस निकट नेपाल तरुण दलले गरेको बन्दका कारण बाँकेको जनजीवन प्रभावित भएको छ। शुक्रबार बिहानैदेखि लामो तथा छोटो दुरीका सवारी साधन चल्न बन्दका कारण ठप्प भएका छन् । यस्तै उद्योग, कलकारखाना, शैक्षिक संस्था पुरै ठप्प भएका छन्।

केहीदिन अघि नेपालगन्ज–२० मनिकापुरस्थित नमस्ते भिलेज रेस्टुरेन्टमा पार्किङ गरेर राखिएको नेपाल तरुण दल नेपालगन्ज उपमहानगर सभापति संदिपजंग शाहको बा १८ च ४२११ नम्बरको कारको सिटमुनीबाट एक थान अमेरिकन पेस्तोल, दुई राउण्ड गोली र म्याग्जिनसहित उनलाई प्रहरीले पक्राउ गरेको थियो।

शाहलाई रिहा गर्नुपर्ने तथा प्रहरी, प्रशासनले सत्ताको आडमा आफ्ना कार्यकर्तालाई अनाहकमा दुःख दिएको भन्दै तरुण दल बाँकेले बन्द आव्हान गरेको हो।

नेपाली कांग्रेस तथा तरुण दलका कार्यकर्ताहरु सडकमा परिचालन भएर बिहानैदेखि प्रर्दशन गरिरहेका छन्। उनीहरुले सडकमा टायर बालेर सरकारकाविरुद्ध चर्का नारा लगाएका छन्।

यसैबिच, बिहीबार साँझ तरुण दल बाँके खजुरा गाउँपालिकाले पनि मसाल जुलुस निकालेको थियो । नेपाली कांग्रेस क्षेत्र नम्बर ३ पार्टी कार्यालय देखि सुरु गरेको मसाल जुलुस खजुरा बि गाउँ जाने चोकमा पुगेर कोण सभामा परिणत भएको थियो ।

मसाल जुलुस र बिरोध सभाको कार्यक्रम उदघोषक नेपाल तरुण दल खजुरा गाउँ पालिकाका उत्सब सिजाली मगरले गरेका थिए । तरुण दलले आफ्नो नेताको रिहाईको माग गर्दै जुलुस निकालेको हो ।

याे पनि :

प्रहरीलाई नै पक्राउ गर्न तरुण दल अध्यक्ष जीतजङ्गको माग