वातावरण प्रदूषण गर्ने उधोगलाई कार्यवाही गर्ने जिम्मा वडा अध्यक्षलाई

३० कार्तिक वीरगन्ज । वीरगन्ज महानगरपालिका भित्र वातावरणलाई प्रदूषित गर्ने उधोगहरुलाई कार्यवाही गर्ने जिम्मा वडा अध्यक्षहरुलाई दिइएको छ ।

पटक पटक अनुरोध गरेपनि महानगरमा रहेका नदी तथा खुला ठाँउहरुमो प्रदूषित पानी,छाई लागयत अन्य केमिकलयुक्त ठोस पर्दाथ र चिमनीभट्ठीबाट कालो प्रदूषित हावा जथाभावीरुपमा फालेका कारण वातावरण प्रदूषित गर्ने उधोगहरुलाई कार्यवाहीको जिम्मा वडा अध्यक्षहरुलाई दिएको हो ।

महानगरपालिका भित्र रहेका उधोगहरुले अटेरी गरेपछि महानगर कार्यपालिकाको बैठकले यस्तो निर्णय गरेको हो । शुक्रबार दिउसो बसेको बैठकले वातावरण प्रदूषणको बारेमा निगरानीलाई कडा बनाउनुको साथै ठोस वा तरल कुनै प्रकारको प्रदूषित पदार्थहरु उत्सर्जित गर्ने उधोगको ,अवलोकण गरी कानुन बमोजिम कार्यवाही गर्न महानगरपालिकामा सिफारिस गर्ने सम्पुर्ण जिम्मेवारी ३२ वटै वडा अध्यक्षहरुलाई दिएको छ ।

वडा अध्यक्षहरुले गरेको सिफारिसको आधारमा कानुन कडा भन्दा कडा कार्यवाही गर्न जिल्ला प्रशासन कार्यालय पर्सामा महानगरपालिकाले अनुरोध गरी कार्यवाही अगाडि बढाउने निर्णय गरिएको जनाएको छ ।

छठको समयमा सिरिसिया नदी केहि दिनको लागि प्रदूषणमुक्त भएपनि उधोगहरुको अटेरीका कारण पुन प्रदूषित बनेपछि महानगरपालिकाले निगरानीसहित कार्यवाहीको लागि यस्तो जिम्मेवारी वडा अध्यक्षहरुलाई दिएको हो ।