तत्काल चिसो बढ्ने सम्भावना छैन : जल तथा मौसम पूर्वानुमान महाशाखा

२ मंसिर काठमाडौं । जल तथा मौसम पूर्वानुमान महाशाखाका अनुसार चिसो बढ्ने क्रम सुरु भए पनि ह्वात्तै तत्काल अति जाडो भने नहुने भएको छ ।

अहिले पनि मनसुनपछिको अवस्था रहेको र आकासमा बादल रहेकाले चिसो तत्काल अति बढ्ने सम्भावना नरहेको मौसम बुलेटिनमा उल्लेख छ ।

जाडो समयमा औपचारिक रुपमा प्रवेश गरिसकेको अवस्था नरहेको महाशाखाले जनाएको छ। सोमबार बिहान काठमाडौँ उपत्यकाको न्यूनतम तापक्रम १२.९ डिग्रीसेल्सियस रहेको मौसम पूर्वानुमान महाशाखाले जनाएको छ ।

हाल नेपालमा प्रभाव पार्ने खालको मौसमी प्रणाली नरहेको जनाइएको छ । तर पूर्व र मध्य पहाडी क्षेत्रमा आंशिकदेखि सामान्य बदली भएको र दिनभर जस्तो पनि यस्तै रहने छ । यस्तै तराईका केही क्षेत्रमा आंशिक बदली हुनेछ ।

आगामी तीन दिनको मौसम पूर्वानुमान

मंसिर १ गते (आइतबार)

राती: देशका पूर्वी तथा मध्य पहाडी भू-भागमा आंशिक देखि सामान्य बदली तथा पश्चिमी पहाडी भू-भागमा आंशिक बदली रहि बाँकी भू-भागमा मौसम सामान्यतया सफा रहने छ ।

मंसिर २ गते (सोमबार)

दिउँसो: देशका पूर्वी तथा मध्य पहाडी भू-भागमा आंशिक देखि सामान्य बदली तथा पश्चिमी पहाडी भू-भागमा आंशिक बदली रहि बाँकी भू-भागमा मौसम सामान्यतया सफा रहने छ । पूर्वी पहाडी भू-भागका एक वा दुई स्थानमा हल्का वर्षा हुने सम्भावना छ।

राती: देशको पहाडी भू-भागमा आंशिक देखि सामान्य बदली रही बाँकी भू-भागमा मौसम सामान्यतया सफा रहने छ । पूर्वी तथा मध्य पहाडी भू-भागका १-२ स्थानमा हल्का वर्षा हुने सम्भावना छ।

मंसिर ३ गते (मंगलबार)

दिउँसो: देशका पूर्वी तथा मध्य भू-भागमा आंशिक देखि सामान्य बदली तथा बाँकी भू-भागमा आंशिक बदली रहने छ । पूर्वी पहाडी भू-भागका थोरै र मध्य पहाडी भू-भागका १-२ स्थानमा हल्का वर्षा हुने सम्भावना छ।

राती: देशका पूर्वी तथा मध्य भू-भागमा आंशिक देखि सामान्य बदली तथा बाँकी भू-भागमा आंशिक बदली रहने छ ।पहाडी  भू-भागका १-२ स्थानमा हल्का वर्षा हुने सम्भावना छ।