हङकङमा सरकार विरोधी प्रदर्शन : प्रहरीमाथि पेट्रोल बम प्रहार !

२ मंसिर एजेन्सी । हङकङमा प्रहरी र प्रदर्शनकारीबीच झडप भएको छ । आइतबार राति हङकङ युनिभर्सिटी क्याम्पसमा प्रहरी र त्यहाँका विद्यार्थी प्रदर्शनकारीबीच झडपको अवस्था आउँदा आगलागी नै भएको बीबीसीले उल्लेख गरेको छ ।

विश्वविद्यालयको प्रवेशद्वारमा ठूलो आगोको मुस्लो देखिएको अन्तर्राष्ट्रिय सञ्चारमाध्यमले जनाएका छन् । प्रदर्शनकारीले प्रहरीलाई क्याम्पस प्रवेश गर्न नदिने प्रयासम गरिरहेका थिए, सोही क्रममा आगो लागेको हो ।

प्रदर्शनकारीले प्रहार गरेको पेट्रोल बमका कारण आगलागी भएको हो । सुरक्षा अधिकारीले यसअघि पेट्रोलबम सहितका हतियारको प्रयोग गरी हुने आक्रमण नरोकिएमा गोली चलाउने चेतावनी दिएका थिए । पछिल्लो केही महिनादेखि हङकङमा सरकार विरोधी प्रदर्शन जारी छ ।