नेपाल भारत सीमा बैठक, कालापानी बारे कुरा गर्न नपाइने शर्त

३ मंसिर काठमाडौं । भारतले नेपाली भूमि अतिक्रमण गरेको भन्दै चर्काे आलोचना भइरहेका बेला दुबै मुलुकका सीमा सुरक्षा पदाधिकारीको संयुक्त बैठक नेपालमा आयोजना हुँदैछ ।

भोलिदेखि पोखरामा शुरू हुने सीमा वैठकको उद्घाटन गृहमन्त्री रामबहादुर थापा बादलले गर्ने तय भएको छ । भारतीय सीमा प्रहरी बल एस बी आई प्रमुख आजै काठमाडौं आउँदैछन् । यस्तै नेपाली प्रतिनिधिमण्डलको नेतृत्व सशस्त्र प्रहरी बल प्रमुख शैलेन्द्र खनालले गर्दैछन् ।

यो रेगुलर बैठक मात्रै हो , यहाँ कालापानी, लिपुलेखका विषयमा कुरा हुने स्रोतले बताएको छ । स्रोतका अनुसार अहिले वार्ता गर्न नेपालले प्रस्ताव गरेको भएपनि भारतले आनाकानी गरेको थियो । वार्ता गर्ने हो भने विवादित कालापानी र लिपुलेखबारे कुनै प्रस्ताव राख्न नपाइने शर्त भारतीय पक्षले राखेको थाहा भएको छ ।

भारतीय पक्षको यस्तो प्रस्ताव नेपालले स्वीकार गरेकाले नै यो वार्ता हुुन लागेको हो । भारतीय पक्षले बल मिच्याइँ गरी नेपाली भूमि अतिक्रमण गरेका बेला सम्पूर्ण राष्ट्र एकजूट भएका बेला केपी ओली सरकारले यस्तो शर्त मानेर वार्ता गर्नु आफैंमा अर्थपूर्ण छ ।

नेपाली भूमिबाट विदेशी सेना लखेट्ने गफ दिएका ओलीको व्यावहार भने लम्पसारवादी चरित्रको देखिएको छ ।