कम्युनिष्ट सरकारको २१ महिनामा २१ असफलता [ हेर्नुस भिडियोसहित ]
नेपालबहस संवाददाता
मंसिर ३, २०७६ बुधबार ०:९:४०
३ मंसिर,काठमाडौं । प्रमुख प्रतिपक्षी दल नेपाली कांग्रेसले सरकारको ज्यादति र गलत शैलीको चर्काे बिरोध गरेको छ ।आज पार्टी मुख्यालय सानेपामा आयोजित पत्रकार सम्मेलनमा कांग्रेस प्रवक्ता विश्वप्रकाश शर्माले कम्युनिष्ट सरकारको असफलता भन्दै २१ बुँदामा बिरोध गरेका छन् ।
सरकार गठन भएको झण्डै दुई वर्ष पूरा हुन लाग्दा समेत जनजीविकाका सवालमा फितलो र गैर जिम्मेवार भएको आरोप लगाउँदै प्रवक्ता शर्माले आगामी उपनिर्वाचनमा त्यसको परिणाम हात लाग्ने दावी गरे ।
यो सरकार जनजीविका र राष्ट्रियताको सवालमा सबैभन्दा कमजोर र निकम्मा सावित भएको छ – उनले भने । कम्युनिष्ट सरकार २१ महिना २१ असफलता नाम दिई जारी गरिएको विज्ञप्तिमा विभिन्न आरोप लगाइएको छ ।
जसमा संविधानप्रति सबैमा अपनत्व जगाउन नसकेको, सत्ताको सैद्धान्तिक चरित्रमै अन्योल रहेको, कूटनीतिक मामलामा अपरिपक्व देखिएको, मूल्य बृद्धि नियन्त्रणमा चुकेको जस्ता असफलताबारे विज्ञप्तिमा उल्लेख छ ।
त्यस्तै शान्ति सुरक्षा, मूल्य बृद्धि, धर्मको प्रश्नमा होली वाइन प्रकरण लगाएतमा पनि सरकार असफल भएको उनले आरोप लगाए । सञ्चारकर्मीको एक जिज्ञासामा उहाले कर्तव्य ज्यान मुद्दामा नख्खु कारागारमा रहेका पूर्वमन्त्री तथा कांग्रेस सांसद मोहम्मद आफताव आलमका बारेमा कानुन बमोजिम सबै प्रक्रियामा कांग्रेसले सहयोग गर्ने बताए ।
कानून बनाउन कांग्रेसले नै पहल गरेको भन्दै यसको पालनामा प्रतिवद्ध रहेको प्रवक्ता शर्माको भनाई छ । उनले सरकारलाई सच्चिनका लागि दबाब दिन मतदाताका लागि उपनिर्वाचन अवसर भएको पनि बताए ।
प्रवक्ता शर्माले मंसिर १४ गतेको उपनिर्वाचनको मतपरिणामले सरकार नबदले पनि सरकारको शैली बदल्न सहयोगी हुने दाबी गरे । उपनिर्वाचनको तयारीमा कांग्रेस एकतावद्ध भएको पनि शर्माले बताए । पत्रकार सम्मेलनअघि कांग्रेसले आफ्नो घोषणापत्र पनि सार्वजनिक गरेको थियो ।
पत्रकार सम्मेलनमा बोल्दै प्रवक्ता शर्मा
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसरकारले तोक्यो चैते धानको समर्थन मूल्य
चैत १५, २०८० बिहिबार
देशमा अर्को उथलपुथल हुनेवाला छः प्रधानमन्त्री प्रचण्ड
चैत १५, २०८० बिहिबार
राष्ट्रिय सभाकी उपाध्यक्ष अर्यालले बुझाइन राजीनामा
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
सरकारले तोक्यो चैते धानको समर्थन मूल्य
चैत १५, २०८० बिहिबार
‘बिराट गोल्ड कप फुटबल’ काे मुख्य प्रायोजनमा एनआईसी एशिया बैंक
चैत १५, २०८० बिहिबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
कोशी प्रदेशले आगलागी पीडित सन्थाल समुदायका लागि स्थायी घर निर्माणमा पहल गर्ने
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार