जनता बैंक र ग्लोबल आइएमई बैंकको कार्ड एक अर्काको एटीएममा निःशुल्क चलाउन सकिने

४ मंसिर,काठमाडौं । जनता बैंक नेपाल लिमिटेड र ग्लोबल आइएमई बैंक लिमिटेड एक आपसमा मर्जर सम्बन्धि प्रस्ताव यहि मिति २०७६ मंसिर २ गते सम्पन्न दुवै बैंकको साधारण सभाबाट पारित भईसकेको छ ।

मर्जर पश्चात ग्लोबल आईएमई बैक लिमिटेडको नामबाट एकिकृत कारोवारका लागि अन्तिम तयारी भईरहेको छ । यहि मर्जर प्रक्रियालाई मध्यनजर गर्दै ग्राहक महानुभावहरुको सुविधाका लागि यी दुबै बैंकहरुबाट जारी गरिएका कार्डहरु यी दुबै बैंकहरुका कुनै पनि एटीएममा चलाउँदा कुनै शुल्क नलाग्ने बैंकले जानकारी दिएको छ ।

मर्जर पश्चात बन्ने ग्लोबल आईएमई बैक लिमिटेड मुलुकको ७ वटै प्रदेश तथा ७७ वटै जिल्लामा उपस्थिति हुने गरी तयारी भरहेको छ । करिब ३०० भन्दा बढी शाखा सञ्जाल, ३२०० कर्मचारी, २० लाख ग्राहक संख्यासहितको बैक बन्नेछ ।

मर्जर पश्चात बन्ने ग्लोबल आइएमई बैंक चुक्ता पूँजी करिब १९ अर्ब, निक्षेप रु. २ खर्ब १३ अर्ब, कर्जा रु. १ खर्ब, ९४ अर्ब भएको सवल र सक्षम बैक बन्ने विश्वास लिईएको छ ।