सिटी एक्सप्रेसको सिधैं लखपति योजनामा बाग्लुङका थापाले पाए एक लाख उपहार

४ मंसिर,काठमाडौं । सिटी एक्सप्रेसको “लखपति एक्स्प्रेस २०७६-न यति न उति सिधैं लखपति” उपहार योजना अन्तर्गत हालै गरिएको उपहार घोषणामा जापानबाट पैसा पठाई पहिलो (असोज) महिनाको रु एक लाखको मासिक लक्की ड्रमा परी बाग्लुङ्ग घर भई हाल जापानमा कार्यरत गोबिन्दबहादुर थापा विजेता घोषित भएका छन् ।

सिटी एक्सप्रेस कम्प्लेक्स भवनमा कार्यक्रमको आयोजना गरी उक्त नगद पुरस्कार कम्पनीमा आयोजित समारोह बीच थापाकी छोरी सिर्जना थापालाई हस्तान्तरण गरिएको छ ।

लक्की ड्र मार्फत उपभोक्ताहरुले दैनिक रु २०० को मोबाइल टपअप १० जनाले जित्न सक्ने्, त्यसैगरी साप्ताहिक रुपमा एक जना विजेताले रु १०,००० र हरेक महिना लक्की ड्र मा विजयी हुने एक जनाले रु एक लाख जित्न सक्ने्, उपहार योजनाको अन्त्यमा एक जना भाग्यशाली विजेताले बम्पर उपहार स्वरुप रु १० लाख जित्न सक्ने घोषणा भएको थियो ।

यो अफर असोज १ गतेदेखि मंसिर ३० गतेसम्म लागू हुनेछ । यो अवधिभर सिटी एक्सप्रेसमार्फत मनी ट्रान्स्फर गर्ने सम्पूर्ण सेवाग्राही यो उपहार योजनामा सहभागी हुनेछन् । यस उपहार योजना अवधीमा हालसम्म दैनिक उपहार योजना अन्तर्गत ६३० जनाले रु २०० को मोबाइल टपअप, साप्ताहिक रुपमा ८ जना विजेताले रु १०,००० जितिसकेका छन् ।

ती सबै उपहारहरु विद्युतीय लक्की ड्र मार्फत विजेता छनौट गरिएको थियो ।