उपनिर्वाचनमा मतदान गर्नुअघि आफ्नो मनलाई सोधौं र रुख चिन्हमा मतदान गरौं

५ मंसिर काठमाडौं । नेपाली कांग्रेसका प्रवक्क्ता विश्व प्रकाश शर्माले यहि मंसिर १४ मा हुने उपनिर्वाचनमा मतदान गर्नुअघि आफ्नो मनलाई सोधौं र रुख चिन्हमा मतदान गरौं भन्दै आग्रह गरेका छन् ।

सामाजिक सञ्जालमा उपनिर्वाचन सम्बन्धिको एक भिडियो सन्देशमा मतदान गर्नुअघि स्थानीय तह, प्रदेशसभा र प्रतिनिधिसभा सदस्यमा कस्ता व्यक्ति ल्याउने भन्ने बारेमा सोचेर मतदान गर्न आग्रह गरेका हुन् ।

निर्वाचन आयोगका अनुसार आगामी मंसिर १४ गते उपनिर्वाचनको तयारी करिव करिव अन्तिम चरणमा पुगेको छ । संघ, प्रदेश र स्थानीय तहमा गरी देशभर ४७ स्थानमा जनप्रतिनिधि रिक्त रहेको आयोगले बताएको छ ।

प्रतिनिधिसभा सदस्यका लागि कास्की क्षेत्र नम्बर २ मा उपनिर्वाचन हुँदैछ । त्यस्तै, प्रदेशअन्तर्गत दाङ क्षेत्र नम्बर ३ को ‘ख’, बाग्लुङ क्षेत्र नम्बर २ ‘ख’ र भक्तपुर–१ ‘ख’ मा मंसिरमा चुनाव हुन लागेको आयोगले जानकारी दिएको छ ।स्थानीय तहमा चार प्रमुख, एक उपप्रमुख र ४२ वडाध्यक्षका लागि पनि मंसिर १४ मा चुनाव हुन लागेको हो ।