प्रधानमन्त्री ओली ग्राण्डी अस्पतालमा

८ मंसिर, काठमाडौं । प्रधानमन्त्री खड्गप्रसाद ओली आज दिउँसो स्वास्थ्य परिक्षणका लागि धापासीस्थित ग्राण्डी अन्तराष्ट्रिय अस्पताल पुगेका छन् । मृगौलामा विकारको मात्रा बढेपछि गत कात्तिक १३ गते र १४ गते ओलीको दुई पटक हेमोडायलासिस भएको थियो ।

प्रधानमन्त्रीका निजी चिकित्सक डा. दिव्यासिंह शाहले प्रधानमन्त्री ओलीलाई अस्पताल लगिएको जानकारी दिएकी हुन् । स्रोतका अनुसार डायलासिसपछि प्रधानमन्त्री सके आजै नसके भोली मात्र सरकारी निवास बालुवाटार फर्कनेछन् ।

मृगौलाले नियमित काम गर्न छोडेपछि पीडित बनेका प्रधानमन्त्री ओलीकाे अहिले डायलासिस प्रकृया चलिरहेकाे छ । याे प्रकृया संभवत ८ बजे सकिने ओली निकट स्राेतले नेपालबहस डटकमलाई जानकारी दिएकाे छ ।

करिब १३ वर्ष अघि मृगौला प्रत्यारोपण गरेका ओलीलाई चिकित्सकहरुले पुनः मृर्गौला प्रत्यारोपण वा नियमित डायलसिस गर्न सुझाव दिएका थिए ।

त्यसपछिका दिनमा तुरुन्तै मृगौला प्रत्यारोपण गर्ने खबरहरु बाहिरिए पनि ओलीले भने चिकित्सकहरुसँगै पुनः मृगौला प्रत्यारोपण गर्ने वा नियमित डायलासिस नै गरिरहने भन्नेबारे परामर्श गर्दै समय काटिरहेका छन् ।