पुर्वराजा शाह पश्चिम नेपालको भ्रमणमा जाने

९ मंसिर काठमाडौं । पूर्वराजा ज्ञानेन्द्र शाहले आगामी साता पश्चिम् नेपालको भ्रमण गर्ने भएका छ्न । केही दिनको निजी भ्रमणको क्रममा शाहले प्रदेश पाँचको बिभिन्न जिल्लाहरुको भ्रमण गर्नेछ्न ।

उनको भ्रमणको खबर पाएसंगै स्वागतको तयारी पनि थालिएको छ । भ्रमणका क्रममा शाहले विभिन्न स्थानमा रहेका धार्मिक शक्ति पिठमा पुजाआजा समेत गर्नेछ्न ।

पूर्व राजा शाहले आगामी साता भैरहवा जाने कार्यक्रम तय भएको उनका निजी सचिव फणि पाठकले जानकारी दिए । पूर्व राजा शाह भैरहवालाई मुकाम कायम गरेर प्रदेशका ५ का पहाडी जिल्लाहरु पाल्पा, गुल्मी ,अर्घाखाँची जाने तयारी भइरहेको पनि बताइएको छ ।

भ्रमणका क्रममा उनले स्थानीयवासीसंग भेटघाट गर्नुका साथै बिभिन्न जिल्लामा रहेका धार्मिक स्थलहरुमा पनि जाने कार्यक्रम रहेको छ । भ्रमण कति दिनको हुने भन्ने विषयमा केही खुलाइएको छैन ।