एसबीआई बैंक थप समस्यामा पर्न सक्ने ! स्प्रेडदर ५ प्रतिशत माथि,अधिकांश सूचक सुस्त गतिमा
आर्थिक संवाददाता
मंसिर १०, २०७६ बुधबार ०:३१:४८
१० मंसिर, काठमाडाैं । नेपाल एसबीआई बैंकले आर्थिक वर्ष ०७५/७६ को साधारणसभा यही मंसिर २९ गर्दैछ । कम्पनीले साधारणसभामा ६ प्रतिशत बोनस शेयर र १० दशमलव ८४ प्रतिशत नगद लाभांशको प्रस्ताव लैजादै छ । साधारणसभा प्रयोजनका लागि यही मंसिर १३ गते कम्पनीले बुक क्लोज गर्दैछ । मंसिर १२ गतेसम्म कायम शेयरधनीले साधारणसभामा भाग लिन पाउनुको साथै प्रस्तावित लाभांश प्राप्त गर्ने छन् ।
कम्पनीको लाभांश इतिहास:
कम्पनीले यस वर्ष जम्मा १६ दशमलव ८४ प्रतिशत लाभांश प्रस्ताव गरेको छ । गत वर्ष कम्पनीले १५ दशमलव ७९ प्रतिशत लाभांश वितरण गरेको थियो । कम्पनीले अहिले प्रदान गरेको लाभांशको दर र कम्पनीको बजार मूल्य ३८० लाई हेर्दा लगानीकर्ताले निकै थोरै प्रतिफल प्राप्त गर्ने देखिन्छ ।
हेरौ कम्पनीको ५ वर्षको लाभांशको ईतिहास:
प्रथम त्रैमास राम्रो आउँन सकेन:
नेपाल एसबीआई बैंकले आर्थिक वर्ष ०७६/७७ को प्रथम त्रैमासको वित्तीय विवरण सार्वजनिक गरेको छ । कम्पनीले प्रथम त्रैमासमा आकर्षक वित्तीय विवरण प्रकाशन गर्न भने सकेको छैन । नेपाल एसबीआई बैंकले प्रथम त्रैमासिक वित्तीय विवरण पनि आकर्षक निकाल्न सकेन । धेरै बैंकहरुले नाफा बृद्धि गरिरहेको बेला नेपाल एसबीआई बैंकको नाफा भने घटेको छ ।
कम्पनीको आर्थिक वर्ष ०७६/७७ को प्रथम त्रैमास र आर्थिक वर्ष ०७५/७६ को प्रथम त्रैमासलाई दाँजेर हेर्दा :
खुद ब्याज आम्दानीमा गिरावट:
बैंकको प्रमुख आम्दानीको श्रोतकाे रूपमा रहेको खुद ब्याज आम्दानीमा गिरावट आएको छ । बैंकले चालु आर्थिक वर्षको प्रथम त्रैमासमा १ अर्ब ३ करोड खुद व्याज आम्दानी गरेकोमा गत आर्थिक वर्षको प्रथम त्रैमासमा कम्पनीले १ अर्ब ६ करोड खुद व्याज आम्दानी गरेको थियो । बैंककाे खुद व्याज आम्दानी २ प्रतिशतले घटेको छ ।
खुद मुनाफामा गिरावट:
संचालन मुनाफा घटे संगै कम्पनीको खुद मुनाफा पनि घटेको छ । गत आर्थिक वर्षको पहिलो त्रैमासमा ४८ करोड ९७ लाख खुद मुनाफा गरेको कम्पनीले अहिले भने जम्मा ४३ करोड ७२ लाख मात्र खुद मुनाफा गरेको छ । यसरी बैंककाे खुद मुनाफामा ११ प्रतिशतको गिरावट देखिएको छ ।
प्रतिशेयर आम्दानीमा गिरावट:
खुद मुनाफा घटे संगै कम्पनीको प्रतिशेयर आम्दानीमा पनि गिरावट देखिएको छ । कम्पनीको प्रतिशेयर आम्दानी २० रुपैंया ७० पैसा रहेको छ । गत वर्ष प्रथम त्रैमासमा कम्पनीको प्रतिशेयर आम्दानी २३ रुपैंया १९ पैसा थियो । प्रतिशेयर आम्दानीमा पनि ११ प्रतिशतको गिरावट देखिएको छ।
जगेडा कोष स्थिर, संचित मुनाफा भने बढ्दै :
कम्पनीको जगेडा कोष सामान्य अंकले वृद्धि भएको छ । अहिले जगेडा कोषमा ३ अर्ब ८५ करोड पुगेको छ । संचित मुनाफा भने २१ प्रतिशतले वृद्धि हुँदै २ अर्ब २३ करोड पुगेको छ । शेयर प्रिमियम शिर्षकमा भने कुनै रकम छैन ।
निक्षेप र कर्जा प्रवाहमा सुस्त:
बैंकले चालु आर्थिक वर्षको प्रथम त्रैमास र अघिल्लो आर्थिक वर्षको प्रथम त्रैमासलाई आधार मान्दा बैंकको निक्षेप संकलन २ प्रतिशतले मात्र वृद्धि गर्न सफल भएको छ भने कर्जा प्रवाह ८ प्रतिशतले वृद्धि गर्न सफल भएको छ । बैंकले चालु आर्थिक वर्षको प्रथम त्रैमासमा ९९ अर्ब ७० करोड निक्षेप संकलन गरी ९० अर्ब ९७ करोड कर्जा प्रवाह गरेको छ । निक्षेप र कर्जा विस्तारमा बैंक अत्यन्त सुस्त रहेको प्रस्ट देखिन्छ।
मूल्य आम्दानी अनुपात ११ गुणा:
कम्पनीको मंसिर १० गतेको बजार मूल्य ३८० लाई आधार मान्दा कम्पनीको मूल्य आम्दानी अनुपात १८ दशमलव ३५ गुणा आउँछ । कम्पनीको बजार मूल्य र प्रतिशेयर आम्दानीलाई आधार मान्दा कम्पनी “ओभर भ्यालुड” जोनमा रहेको देखिन्छ। अधिकांश वाणिज्य बैंकको भन्दा नेपाल एसबीआई बैंकको मूल्य आम्दानी अनुपात धरै रहेको छ ।
खराब कर्जा घटाउन सफल:
गत वर्ष प्रथम त्रैमासमा ० दशमलव २ प्रतिशत रहेको खराब कर्जा अहिले भने ० दशमलव १७ प्रतिशत रहेको छ।
आधार व्याजदर घट्यो :
कम्पनीले आधार व्याजदर घटाउन सफल भएको छ । कम्पनीको अहिले आधार व्याजदर ९ दशमलव ९४ प्रतिशत रहेको छ ।
वितरणयोग्य मुनाफा:
कम्पनीको प्रथम त्रैमाससम्म वितरणयोग्य मुनाफा जम्मा ३१ करोड ९१ लाख रहेको छ ।
वास्तविक मूल्य (Fair Value):
कम्पनीको प्रतिशेयर आम्दानी २० रुपैयाँ ७० पैसा र किताबी मूल्य १७२ रुपैयाँ ११ पैसालाई आधार मान्दा कम्पनीको वास्तविक मूल्य २८३ रुपैयाँ हुन आउँछ । यसको आधारमा अहिलेको कम्पनीको बजार मूल्य ३८० लाई हेर्दा कम्पनीको बजार मूल्य वास्तविक मूल्य भन्दा निकै धेरैमा कारोवार भएको छ । वास्तविक मूल्य भन्दा कम्पनीको बजार मूल्य ९७ रुपैयाँ धेरै छ ।
मूल्य र किताबी मूल्यको आधारमा:
कम्पनीको दोश्रो बजारको मूल्य र किताबी मूल्यको अनुपात निकाल्दा कम्पनीको अनुपात २ दशमलव ११ गुणा आउँछ । बेन्जामिन ग्रामले सो अनुपात १ दशमलव ५ गुणा भन्दा धेरै भएका कम्पनीलाई “ओभर भ्यालूड” क्षेत्रमा राखेको देखिन्छ । यो सुत्र प्रयोग गर्दा कम्पनीको बजार मूल्यलाई कम्पनीको आधारभुत हिसाबसँग दाँजेर हेर्दा कम्पनी “ओभर भ्यालूड” क्षेत्रमा देखिन्छ ।
शेयर मूल्य ५२ हप्ताको न्यून विन्दुमा:
कम्पनीको ५२ हप्ताको उच्च विन्दु ५१८ रुपैयाँ प्रतिकित्ता रहेकोमा कम्पनीको ५२ हप्ताको न्यून विन्दु प्रति कित्ता ३७० रुपैयाँ रहेको छ । कम्पनीको अहिलेको बजार मूल्य ३८० रुपैया रहेकोमा कम्पनीको शेयर मूल्य ५२ हप्ताको न्यून विन्दु क्षेत्रमा प्रस्ट देखिन्छ ।
कम्पनीको बजार मूल्य १८० दिनको औसत भन्दा पनि थोरै:
कम्पनीको १८० दिनको औसत बजार मूल्य ४३७ रुपैया रहेकोमा दोश्रो बजारमा कम्पनीको शेयर मूल्य त्यो भन्दा पनि थोरैमा कारोवार भएको देखिन्छ ।
सीसीडी अनुपातले समस्या आउँन सक्ने :
कम्पनीको प्रकाशित सीसीडी अनुपातमा बृद्धि देखिएको छ । गत आर्थिक वर्षको प्रथम त्रैमासमा ७५ दशमलव ४२ रहेको यो अनुपात अहिले ७८ दशमलव ५८ रहेको छ । यसको अर्थ अब बैंकलाई कर्जा प्रवाह गर्ने रकम कमकम हुँदै गएको प्रस्ट देखिन्छ । निक्षेप संकलनमा आक्रामक रणनीति अपनाउनु पर्ने देखिन्छ ।
स्प्रेड दर ५ प्रतिशत माथि :
प्रकाशित रिपोर्ट अनुसार बैंकको स्प्रेड दर ५ दशमलव १८ प्रतिशत रहेको देखिन्छ । जुन नेपाल राष्ट्र बैंकले ताेकेकाे भन्दा धेरै हाे । चाल आबमा राष्ट्र बैंकले सबै बाणिज्य बैंकलाई ४.५ प्रतिशतमा स्प्रेड दर ल्याउनु पर्ने गरि बाध्यात्मक लगाम लगाएकाे छ ।
निस्कर्ष :
कम्पनीकाे अधिकांश सूचक सुस्त गतिमा देखिएको छ । निक्षेप र कर्जालाई वृद्धि गर्न नसक्नु प्रमुख समस्या रहेको छ । खुद नाफामा गिरावट आए संगै कम्पनीको वित्तीय प्रतिवेदन आकर्षक बन्न सकेको छैन । सीसीडी अनुपात टाईट हुँदा कम्पनीलाई आगामी दिनमा थप समस्या पर्ने देखिन्छ ।
उपलब्ध तथ्याङ्क आधारित विश्लेषण पूर्ण होइन, निर्णय लिँदा थप अनुसन्धान गर्नुपर्ने छ। – लेखक
आर्थिक संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपकम्युनिष्ट नेताको उत्तरी भ्रमण, नेपालमा बामपन्थी मिलाउने चीनको कसरत
बैशाख १२, २०८१ बुधबार
ज्योति विकास बैंकको वित्तीय अवस्था दिन प्रतिदिन बिग्रँदो क्रममा, व्यवसाय विस्तार ठप्प
बैशाख ११, २०८१ मंगलबार
राहदानीको फिचर्स परिवर्तन र एमआरपी खरिदमा मुख्यसचिवदेखि सुरक्षा सल्लाहकारसम्म तानिने
बैशाख ८, २०८१ शनिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
इलाम उपनिर्वाचनमा कांग्रेस
बैशाख १२, २०८१ बुधबार
नेपाल र कतारबीच सरकारी ६ र निजी क्षेत्रका दुई सम्झौतामा हस्ताक्षर
बैशाख १२, २०८१ बुधबार
कम्युनिष्ट नेताको उत्तरी भ्रमण, नेपालमा बामपन्थी मिलाउने चीनको कसरत
बैशाख १२, २०८१ बुधबार
अमेरिकाले युक्रेनलाई गोप्य रुपमा दिएका लामो दुरीको मिसाइलको प्रयोग
बैशाख १३, २०८१ बिहिबार
डढेलोले खोटाङमा तेह्र घर खरानी
बैशाख १३, २०८१ बिहिबार
बजेटबारे अर्थमन्त्रीलाई ७ पूर्वअर्थमन्त्रीको सुझाव : 'पपुष्लिट' नभई यथार्थपरक बजेट ल्याउनुस्
बैशाख १३, २०८१ बिहिबार
सरकारको स्थायित्वबारे चलाइएका हल्ला निराधारः विष्णु पौडेल
बैशाख १३, २०८१ बिहिबार
रौतहटमा सवारी दुर्घटनाबाट एक वर्षमा ४१ जनाको मृत्यु, १७ हजार सवारी कारवाहीमा
बैशाख १३, २०८१ बिहिबार