कास्कीका तीन मतदान केन्द्रमा विष्फोट

१४ मंसिर पोखरा । उपनिर्वाचनका क्रममा कास्कीका तीन मतदान केन्द्रमा विष्फोट भएको छ । कास्कीको पोखरा महानगरपालिका वडा नं ९ स्थित नवप्रभाव मावी मतदान केन्द्रमा विष्फोट भएको छ ।

त्यस्तै वडा नं ३३ को सरस्वति मावी मतदान केन्द्र भन्दा ५०० मिटर परको भीरमा विष्फोत भएको कास्कीका एस्पी दानबहादुर कार्कीले बताए ।

त्यस्तै अर्मलास्थित मतदान केन्द्रमा पनि विष्फोट भएको छ । विस्फोटका घटना भए पनि मतदान सुचारू रहेको प्रहरी जनाएको छ । सो क्षेत्रमा सेना प्रहरीले सुरक्षा प्रदान गरेको र अवस्था सामान्य रहेको छ ।