चुनावको मौका छोपेर लागू औषधका अभियुक्त हिरासतबाट फरार

१४ मंसिर, सिरहा । इलाका प्रहरी कार्यालय महेशपुर पटारबाट आज ७ थुनुवा कैदी फरार भएका छन् । देशभर उपचुनावको सुरक्षा जिम्मा पाएको नेपाल प्रहरीको थुनाकक्षबाट ती थुनुवा भाग्नुमा सेन्ट्री र इन्स्पेक्टरको गम्भिर लापरवाही देखिएको छ ।

उपनिर्वाचनको बेला सो चौकीमा कार्यरत अधिकांश प्रहरीहरु फिल्डमा खटिएका थिए । चौकीमा जम्मा ३/४ जना डिउटीमा भएको मौका छोपेर ती अभियुक्तहरु फरार भएका हुन् । लागू औषध सम्बन्धि मुद्दामा म्याद थप र मुद्दा दर्ता समेत भइसकेको अवस्थामा उनीहरु हिरासतको चावी नै तोडेर भागेको बताइएको छ ।