किन बोलाए प्रचण्डले सचिवालय बैठक ?

१८ मंसिर काठमाडौं । नेपाल कम्युनिष्ट पार्टी ‘नेकपा’को सचिवालय बैठक बुधबार बस्दै छ । नेकपा अर्का अध्यक्ष तथा पार्टी हाँक्ने जिम्मेवारी पाएपछि अध्यक्ष पुष्पकमल दाहाल प्रचण्डले पहिलोपटक बैठक बोलाएको स्रोतले जानकारी दिएको छ ।

प्रधानमन्त्री केपी ओलीसँग सहमति लिएर सचिवालय बैठक बोलाएको नेताहरूले बताएका छन् । दुई अध्यक्षबीच मंसिर ४ गते ओलीले सरकार र दाहालले पार्टी हाँक्ने सहमति भएको थियो ।

अहिले केही बेरमा बस्ने सचिवालय बैठकमा नियमित बैठककै रूपमा बोलाइएको हुनाले बैठकमा समसामयिक विषयमा नै छलफल केन्द्रिय हुने महासचिव विष्णु पौडेलले बताए । बैठक पार्टी कार्यालय धुम्बाराहीमै बस्नेछ।