देशभर चिसो, पश्चिमी क्षेत्रमा सामान्य बदली

१८ मंसिर काठमाडौं । जल तथा मौसम पूर्वानुमान महाशाखाका अनुसार हाल नेपालमा कुनै पनि उल्लेखनीय मौसमी प्रणाली सक्रिय नभएको लजनाएको छ ।

हाल पहाडी क्षेत्रमा आंशिक बदली भएको छ भने बाँकी क्षेत्रको मौसम सामान्यतया सफा रहेको छ। बुधबार दिनभर देशको पूर्वी र मध्य क्षेत्रमा आंशिक र पश्चिमी क्षेत्रमा आंशिकदेखि सामान्य बदली हुने सम्भावना रहेको मौसमविदले बताएका छन्।

राति देशको पहाडी क्षेत्रमा आंशिकदेखि सामान्य बदली रही बाँकी क्षेत्रको मौसम सामान्यतया सफा रहने मौसमविदले बताएका छन्। देशभर चिसो बढ्ने क्रममा छ । बुधबार बिहान काठमाडौँ उपत्यकाको न्यूनतम तापक्रम ६ डिग्री सेल्सियस रहेको थियो।

आगामी तीन दिनको मौसम पूर्वानुमान

मंसीर १८ गते (बुधबार)
दिउँसो: देशको पूर्वी र मध्य भागमा आंशिक बदली र पश्चिमी भू-भागमा आंशिक देखि सामान्य बदली रहनेछ।

राती: देशको पहाडी भूभागमा आंशिक देखि सामान्य बदलि रही बाँकी भूभागमा मौसम सामान्यतया सफा रहनेछ ।

मंसीर १९ गते (बिहिबार)
दिउँसो: देशको पहाडी भूभागमा आंशिक बदलि रही बाँकी भूभागमा मौसम सामान्यतया सफा रहनेछ ।

राती: देशको पश्चिमी पहाडी भूभागमा आंशिक देखि सामान्य बदलि रही बाँकी भूभागमा मौसम सामान्यतया सफा रहनेछ ।

मंसीर २० गते (शुक्रबार)
दिउँसो: देशको पहाडी भूभागमा आंशिक बदलि रही बाँकी भूभागमा मौसम सामान्यतया सफा रहनेछ ।

राती: देशको पहाडी भूभागमा आंशिक बदलि रही बाँकी भूभागमा मौसम सामान्यतया सफा रहनेछ।