१७ करोड रुपैयाँसहित अनलाइन ठगी गिरोह प्रहरी नियन्त्रणमा

२५ मंसिर काठमाडौं । सर्वसाधारणलाई आकर्षक उपहार र विदेशबाट सामान आएको बहानामा ठगी गर्ने गिरोहका तीनजनालाई प्रहरीले पक्राउ गरेकाे छ । अनलाइन ठगीबाट संकलन गरेको करिब १७ करोड रुपैयाँसहित गिरोहलाई प्रहरी फेला पारेको हो ।

महानगरीय अपराध महाशाखाका एसएसपी सहकुल थापाका अनुसार विभिन्न दर्जन बैंक तथा वित्तीय संस्थामा रहेका खातावाला शंकास्पद व्यक्तिका नाममा रकम भेटिएको हो। केही शंकास्पद व्यक्तिका नाममा १७ करोडभन्दा बढी रकम भेटिएको छ।

यस सम्बन्धी आजै पत्रकार सम्मेलनमार्फत घटना विवरण सार्वजनिक गर्ने प्रहरीको तयारी छ। प्रहरीका अनुसार दर्जन बैंक, वित्तीय संस्थामा जम्मा गरेको अवस्थामा भेटिएको हो।