कांग्रेसमा दुवै गुटको भेला, भोलि सबै भातृसंस्थाको तदर्थ समिति गठन हुने
नेपालबहस संवाददाता
मंसिर २५, २०७६ बुधबार २१:३९:४९
२५ मंसिर,काठमाडौं । भोलि बस्ने नेपाली कांग्रेस केन्द्रीय कार्य समिति बैठकमा कसरी प्रस्तुत हुने भन्ने सन्दर्भमा सल्लाह गर्न आज दुई पक्ष बेग्लाबेग्लै भेला भएका छन् ।
संस्थापन पक्षको बैठक पार्टी सभापति शेरबहादुर देउवा निवास बुढानिलकण्ठमा भएको थियो । यस्तै आजै विहान पार्टी महामन्त्री डा. शशांक कोइरालाको महाराजगञ्जस्थित निवासमा बेग्लै भेला भएको थियो ।
देउवा निवासमा भएको छलफलमा उपसभापतिद्वय विमलेन्द्र निधि र विजयकुमार गच्छदार लगायत महामन्त्री पूर्णबहादुर खड्का , प्रवक्ता विश्वप्रकाश शर्मा तथा केन्द्रीय सदस्यहरु बालकृष्ण खाँड, रमेश लेखक, एनपी साउद लगायत रहेका थिए । उता, कोइरालाले डाकेको भेलामा वरिष्ठ नेता रामचन्द्र पौडेल, डा. रामशरण महत, अर्जुननरसिंह केसी, शेखर कोइराला, दिलेन्द्र बडू, चन्द्र भण्डारी तथा गुरु घिमिरे सहभागी थिए ।
भोलिको वैठकमा सभापति देउवाले विभिन्न समिति गठन गर्ने लगायतका अजेण्डामा छलफल गर्न लागेका छन् । साथै भातृ संस्थाको अधिवेशनको मिति तोक्न समेत देउवामाथि दवाव रहेकाले यही बैठकले तय गर्न सक्ने संभावना रहेको छ । त्यसैले कसरी प्रस्तुत हुने भनेरै दुवै पक्षले आन्तरिक तयारी गर्न भेला आयोजना गरेका हुन् – केन्द्रीय सदस्य गुरु घिमिरेले बताए ।
संस्थापन पक्षले भातृसंस्थाको अधिवेशन नहुन्जेलका लागि पदाधिकारी तोक्ने तयारी गरेको छ । साथै, कुनै पनि भातृ संस्थाको नेतृत्व पौडेल पक्षलाई नदिन देउवामाथि आफ्नै समूहबाट चर्काे दवाव परेको बुझिएको छ । तर पौडेल पक्ष भने ४०-६० को भागवण्डा बमोजिम नेतृत्व लिई छाड्ने रणनीतिमा रहेको छ ।
भोलिको बैठकमा आफ्नो अडान नत्याग्ने पक्षमा पौडेल समूह रहेको पनि घिमिरेले बताए । खासगरी संगठन, जनसम्पर्क र प्रचार विभाग नछाड्ने पक्षमा पौडेल पक्ष दृढ देखिएको छ । यस्तै भातृ संस्था मध्ये तरुण दल र नेपाल विद्यार्थी संघ मध्ये एउटाको नेतृत्व आफ्नो पक्षले पाउनु पर्ने दावी रहेको घिमिरेले बताए ।
यही विषयमा छलफल गर्न देउवाले आजै साँझ पदाधिकारी बैठक डाकेका छन् । आगामी फागुनमा कार्यकाल पूरा हुन लागेको देउवा नेतृत्वको नेपाली कांग्रेसमा यतिबेला आएर मात्र पदाधिकारी चयन गर्न लागिएको हो । विधानत एक वर्ष कार्यकाल थप्न मिल्ने व्यवस्था रहेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसत्ता र शक्ति भएपछि न प्रहरी लाग्छ, न अदालत ?
बैशाख ५, २०८१ बुधबार
प्रदेश सरकारमा संकट पार्दै वैकल्पिक गठबन्धन निर्माणमा नेकपा एसको प्रयास
बैशाख ४, २०८१ मंगलबार
सत्ता गठबन्धनमा नेकपा एसको काउण्टर अट्याक, के होला उपनिर्वाचनपछि सरकारको अवस्था ?
बैशाख ३, २०८१ सोमबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
सत्ता र शक्ति भएपछि न प्रहरी लाग्छ, न अदालत ?
नेपालबहस संवाददाता
बैशाख ५, २०८१ बुधबार
आइसीसीको टी-२० वरियतामा दिपेन्द्रको छलाङ
नेपालबहस संवाददाता
बैशाख ५, २०८१ बुधबार
रविलाई ओलीले भने, ‘राजनीतिक रुपमा कांग्रेसले उठाएपनि सहकारी ठगीको विषय जनताको हो’
बैशाख ६, २०८१ बिहिबार
हार्दिक पाण्डेयलाई १२ लाख जरीवाना
बैशाख ७, २०८१ शुक्रबार
सांसद खड्काले हड्पेको स्काउटको जग्गामा सिलबन्दी
बैशाख ६, २०८१ बिहिबार
महालक्ष्मी विकास बैंकद्वारा महिला उद्यमी लक्षित सशक्तीकरण अभियान
बैशाख ७, २०८१ शुक्रबार
बैंकहरुको मुनाफा घट्यो, ९ महीनामा ४०.६८ अर्ब आम्दानी
बैशाख ७, २०८१ शुक्रबार
प्लास्टिक प्रदूषण अन्त्य गर्न क्यानाडाले राष्ट्रसङ्घीय कार्यक्रमको आयोजना गर्ने
बैशाख ७, २०८१ शुक्रबार
कोशी प्रदेशमा संकल्प प्रस्ताव बहुमतले पारित
बैशाख ७, २०८१ शुक्रबार
बन्द भएका उद्योग सञ्चालन गर्न सरकारले नयाँ नीति ल्याउँछः मन्त्री भण्डारी
बैशाख ७, २०८१ शुक्रबार
त्रिभुवन विमानस्थलमा जहाज डिले हुँदा यात्रु मर्कामा, एति एयरलाइन्सको काउण्टरमै नाराबाजी
बैशाख ७, २०८१ शुक्रबार