बीमाका लगानीकर्ता सबैभन्दा धेरै खुशी, बजारको अबको प्रतिरोध कति ?

२६ मंसिर, काठमाडाैं । शेयर बजारमा आज पुन दोहोरो अंकको वृद्धि देखिएको छ । नेप्से परिसूचक ११ दशमलव १७ अंकले वृद्धि हुँदै ११७२ दशमलव ६४ को विन्दुमा दोश्रो बजार बन्द भएको छ ।

नेप्से परिसूचकलाई कारोवार रकमले पनि साथ दिएको छ । कारोवार रकम हिजो भन्दा आज वृद्धि हुँदै ७६ करोड ४० लाख पुगेको छ । आज १६८ कम्पनीका २१ लाख ०२ हजार कित्ता शेयर खरिदबिक्री भएको छ । शेयर बजार निरन्तर वृद्धि हुन् थालेको ८ दिन पुरा भएको छ ।

आज बजारको खुला विन्दु ११६२ दशमलव २६ रहेकोमा बजारको न्यून विन्दु ११५९ दशमलव ९१ थियो । बजारले न्यून विन्दु १२ बजेर ३७ मिनेटमा समातेको थियो । त्यसपछि भने बजार निरन्तर बढेको थियो ।

बजारले २ बजेर ३० मिनेटमा ११७५ दशमलव ३१ को उच्च विन्दु समातेको थियो । उच्च विन्दु समाते पश्चात केही घटेपनि अन्त्यमा बढ्न नै खोजेको थियो ।

हिजो लघुवित्त कम्पनीको शेयर मुल्यमा अत्याधिक वृद्धि देखिपनि आज भने बीमा कम्पनीहरुको उपसुचकमा राम्रो वृद्धि देखिएको छ ।
आज निर्जीवन बीमा कम्पनीहरुको उपसुचक सर्वाधिक ७ दशमलव ५९ प्रतिशतले वृद्धि भयो भने जीवन बीमा कम्पनीहरुको उपसुचक ५ दशमलव ०५ प्रतिशतले वृद्धि भयो । हाईड्रोपावर उपसुचकमा पनि आज ३ दशमलव ०६ प्रतिशतको वृद्धि देखिएको छ ।

सर्वाधिक कमाउने ५ कम्पनीको सुचीमा ४ वटा बीमा कम्पनीका शेयर रहेका छन् । एभरेस्ट इन्स्योरेन्सका शेयरधनीले सर्वाधिक १० प्रतिशतले कमाए भने सूर्या लाईफका शेयरधनीले सर्वाधिक ९ दशमलव ९६ प्रतिशतले कमाए ।

हेरौं सर्वाधिक कमाउने ५ कम्पनी:

सर्वाधिक गुमाउनेको सुचीमा सबैभन्दा माथि गुराँस लघुवित्त रहेको छ । गुराँस लघुवित्तको बजार मूल्य ४ दशमलव ७७ प्रतिशतले घटेको छ ।

हेरौं सर्वाधिक गुमाउने ५ कम्पनी:

स्वावलम्बन लघुवित्तको संस्थापक शेयर सर्वाधिक खरिदबिक्री भएको छ । स्वावलम्बन लघुवित्तको ८ करोड २८ लाखको संस्थापक शेयर खरिदबिक्री भएको छ ।

प्राविधिक विश्लेषण:

पहिलो प्रतिरोध : ११७५                           पहिलो टेवा : ११६५

• आज पनि नेप्सेमा खरिदकर्ताको चाप रहेको देखिन्छ । कारोबार भने अघिल्लो कारोबार दिनभन्दा बढेको छ ।
• अन्तिम दिन “बुलिस” मैनबत्ती आकृति बनाएको छ । यसले बजारमा खरिदकर्ताको चाप भएको जानकारी गर्दछ ।
• दैनिकी अवधिमा “आरएसआई” ७४ दशमलब ५४ को बिन्दुमा छ । आरएसआईले बजारमा शेयर बढी खरिद भएको जानकारी गराएको छ  ।
• “एडिएक्स” ले माग बढी रहेको जनाउनुको साथै जोड र बिजोड “डाइरेक्सनल इन्डेक्स” हरुले पनि सोहि कुरा संकेत गरेको छ ।
• “अन ब्यालेन्स भल्यूम” ले बजारमा खरिदकर्ताको चाप रहेको संकेत गरेको छ ।
• नेप्से बढेमा पहिलो प्रतिरोध ११७५ मा पाउने देखिन्छ र घटेमा पहिलो टेवा ११६५ मा पाउने देखिन्छ ।