देश चिसोले कठ्याङग्रियो ! कतै खोला जम्यो त कतै हिमपात

२७ मंसिर, काठमाडौं । काठमाडौं उपत्यकासहित देशको मौसम कठ्याङ्ग्रिदो जाडोका कारण ठन्डा भएको छ । मुस्ताङमा माइनस १५ डिग्री पुगेपछि खोला जमेको छ भने उपत्यका आसपासका अग्ला डाँडाहरु हिउँ परेका कारण सेताम्य देखिन थालेको छ ।

देशका अग्ला हिमाली र पहाडी भागमा हिमपात भएको खबरहरु आएका छन् भने तराईका जिल्लाहरुमा वर्षात र शितलहर भइरहेको छ । सबैभन्दा बढी धनगढीमा ४५ मिलिमिटर वर्षा भएको छ ।

बिहानदेखि नै काठमाडौंसहित देशभर हुस्सु लाग्नुका साथै कतै कतै सिमसिम पानी पर्न सुरू गरेकाे थियाे । लागेको थियो भने तुवाँलोका कारण मौसम धुमिल भएको थियो । बुधबार साँझदेखि नेपाल प्रवेश गरेको पश्चिमी वायुको प्रभावले देशभरि चिसो बढेको मौसम विभागले जानकारी दिएको छ ।

हिमपातले मुगु, डोटी, डोल्पा, गाेरखा, रसुवा, लगायत क्षेत्रको जनजीवन पनि प्रभावित भएका छन् । पश्चिमी उच्च पहाडीसहित हिमाली भू–भाग र देशभरी हिमपात भएकाले सर्वसाधारणलाई अनावश्यक रूपमा घरबाट बाहिर ननिस्कन र चिसाेबाट जाेगिन  विज्ञहरूले सुझाव दिएका छन् । ठाउँ अनुसार सतर्कता अपनाउन जल तथा मौसम विज्ञान विभागले सबैमा अनुरोध गरिसकेकाे छ । विभागका अनुसार हिमपातको क्रम मंसिर २९ गते आइतबारसम्म जारी रहनेछ ।