स्प्रेडदर बढाएकाे रास्ट्रिय वाणिज्य बैंककाे मुनाफा र खुद ब्याज आम्दानी किन घट्याे ?
आर्थिक संवाददाता
मंसिर २९, २०७६ आइतबार १९:१०:४८
२९ मंसिर, काठमाडाैं । विक्रम संवत् २०२२ सालमा स्थापना भएको राष्ट्रिय वाणिज्य बैंक स्थापनाकालमा नेपाल सरकारको पूर्ण स्वामित्वमा थियो । विक्रम संवत् २०७५ सालमा एन.आई.डि.सी डेभलपमेन्ट बैंकसंग मर्जर पश्चात भने कम्पनीमा ९९ दशमलव ९७ प्रतिशत शेयर नेपाल सरकारको र ० दशमलव ०३ प्रतिशत शेयर सर्वसाधारणको रहेको छ । एन.आई.डि.सी डेभलपमेन्टसँग मर्जर भएपनि कम्पनीले प्राथमिक बजारबाट शेयर बिक्री गरेको छैन ।
निजी क्षेत्रमा नयाँ वाणिज्य बैंकको आगमन संगै अत्याधिक प्रतिष्पर्धाको कारणले गर्दा स्थापित वाणिज्य बैंकको रुपमा रहेको यस बैंकलाई केही अप्ठेरो परेको देखिन्छ । सोही कारणले गर्दा निक्षेप संकलन र कर्जा प्रवाह केही घट्न पुगेको छ ।
निक्षेप र कर्जा बीचको ब्याजदर अन्तर स्प्रेडदरपनि धेरै नै रहेको छ । स्प्रेडदर कम गर्दै लग्नु पर्नेमा रास्ट्रिय वाणिज्य बैंकले भने वृद्धि गर्दै लगेको छ ।
कम्पनीकाे प्रकाशित चालु आर्थिक वर्षको प्रथम त्रैमास र अघिल्लो आर्थिक वर्षको प्रथम त्रैमासलाई दाँजेर हेर्दा:
खुद व्याज आम्दानीमै गिरावट:
बैंकको प्रमुख आम्दानीको श्रोतमा रहेको खुद ब्याज आम्दानीमै गिरावट देखिएको छ । कम्पनीले अघिल्लो आर्थिक वर्षको प्रथम त्रैमासमा २ अर्ब ६० करोड खुद व्याज आम्दानी गरेकोमा यो आर्थिक वर्ष प्रथम त्रैमासमा २ अर्ब २६ करोडमात्र खुद व्याज आम्दानी गरेको छ । खुद व्याज आम्दानीमै १३ प्रतिशतको गिरावट देखिएको छ । प्रमुख आम्दानीको श्रोत घटेसंगै बैंकको वित्तीय प्रतिवेदन लोभलाग्दो आउँन सकेन ।
खुद मुनाफा नगन्य वृद्धि:
प्रमुख आम्दानीको श्रोतमा रहेको खुद व्याज आम्दानीमा गिरावट आएपनि कर्जा जोखिम शिर्षकबाट १५ करोड ९२ लाख फिर्ता भएसंगै कम्पनीको खुद मुनाफा भने नगन्य अंकमा वृद्धि भएको छ । बैंकले अघिल्लो आर्थिक वर्षको पहिलो त्रैमासमा १ अर्ब ११ करोड कमाएकोमा चालु आर्थिक वर्षको प्रथम त्रैमासमा १ अर्ब १२ करोड खुद मुनाफा गर्न सफल भएको छ । बैंकले गत वर्ष कर्जा जोखिम शिर्षकमा २५ करोड १६ लाख व्यवस्थापन गर्नु परेको थियो ।
व्यापार घट्दै :
चालु आर्थिक वर्षको प्रथम त्रैमास र अघिल्लो आर्थिक वर्षको प्रथम त्रैमासलाई आधार मान्दा बैंकको निक्षेप संकलन र कर्जा प्रवाह घटेको छ । निक्षेप संकलन र कर्जा प्रवाह दुवै करिब १ प्रतिशतले घटेको छ । बैंकले अघिल्लो आर्थिक वर्षको प्रथम त्रैमासमा १ खर्ब ९० अर्ब निक्षेप संकलन गरेको थियो भने चालु आर्थिक वर्षको प्रथम त्रैमासमा १ खर्ब ८७ अर्बमात्र निक्षेप संकलन गरेको छ ।
त्यस्तै कर्जा प्रवाह पनि घटेको छ । अघिल्लो आर्थिक वर्षको प्रथम त्रैमासमा १ खर्ब ४४ अर्ब कर्जा प्रवाह गरेकोमा चालु आर्थिक वर्षको प्रथम त्रैमासमा १ खर्ब ४३ अर्ब कर्जा प्रवाह गरेको छ ।
बैंकलाई अहिलेको मुख्य समस्या भने स्प्रेडदर रहेको छ । नेपाल रास्ट्र बैंकले वाणिज्य बैंकहरुलाई २०७७ साल असार मसान्तसम्म ४ दशमलव ४० प्रतिशत स्प्रेडदर कायम गर्नुपर्ने नियम संगै बैंकलाई थप समस्या पर्ने देखिन्छ । स्प्रेडदर घटाउदै लानु पर्नेमा राष्ट्रिय वाणिज्य बैंकको ब्याज स्प्रेडदर ५ दशमलव ९६ प्रतिशत पुगेको छ । अघिल्लो आर्थिक वर्षको प्रथम त्रैमासमा व्याज स्प्रेडदर ४ दशमलव ९८ प्रतिशत रहेको थियो । कम्पनीको प्रमुख आम्दानीको श्रोतमा रहेको खुद व्याज आम्दानीमा गिरावट आएको र स्प्रेड दरलाई घटाउनु पर्ने बाध्यताले आगामी दिनमा थप चुनौती थपिएको छ ।
आधारभूत रुपमा चाहीं कम्पनी बलियो हुँदै गएको छ । कम्पनीको संचित मुनाफा १६३ प्रतिशतले वृद्धि हुँदै २ अर्ब १० करोड पुगेको छ भने जगेडा कोषमा भने १३ अर्ब ७१ करोड रुपैयाँ रकम संचित छ । गत आर्थिक वर्षको प्रथम त्रैमासमा ३ दशमलव ८३ प्रतिशत रहेको खराब कर्जालाई घटाएर ३ दशमलव ५ प्रतिशतमा झार्न बैंक व्यवस्थापन सफल भएको देखिन्छ ।
सीसीडी अनुपात ७१ दशमलव ९७ प्रतिशत रहेको छ । अन्य धेरै वाणिज्य बैंकको तुलानामा सीसीडी अनुपात निकै थोरै रहेको प्रस्ट देखिन्छ । यसको अर्थ बैंकसँग थप कर्जा प्रवाह गर्न अझै श्रोत रहेको प्रस्ट देखिन्छ ।
त्यस्तै रास्ट्रिय अर्थतन्त्रमा व्याजदर वृद्धि अहिलेको प्रमुख समस्या भएको अवस्थामा रास्ट्रिय वाणिज्य बैंकको आधार व्याजदर निकै सस्तो रहेको छ । कम्पनीको प्रकाशित आधार व्याजदर ६ दशमलव ६० प्रतिशत मात्र रहेको छ । अन्य वाणिज्य बैंकको तुलानामा यस बैंकका ग्राहकले सस्तोमा कर्जा पाएको प्रस्ट देखिन्छ । अन्य वाणिज्य बैंकमा निक्षेपमा आकर्षक व्याज हुँदा निक्षेप संकलनलाई वृद्धि गर्नु र आफुसंग भएको निक्षेपलाई अन्त जान नदिनु बैंक व्यवस्थापनलाई थप चुनैती थपिएको छ ।
आर्थिक संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपस्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
देशमा अर्को उथलपुथल हुनेवाला छः प्रधानमन्त्री प्रचण्ड
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार
एसएसपी अधिकारी सशस्त्रको डीआईजीमा सिफारिस
चैत १६, २०८० शुक्रबार
चैते झरीले बाटो हिलाम्य, ३० मिनेटको दूरीलाई चार घण्टा
चैत १६, २०८० शुक्रबार
हेलम्बुमा हाइअल्टिच्युड भलिबल प्रतियोगिता हुने
चैत १६, २०८० शुक्रबार
सिद्धि हाइड्रो कम्पनीको शेयर निष्कासन तथा बिक्री प्रबन्धकमा सिटिजन्स क्यापिटल
चैत १६, २०८० शुक्रबार
अतिथि सत्कार घरबासमा विदेशी पर्यटक बढ्दै
चैत १६, २०८० शुक्रबार
देउडा खेल्दै सर्वसाधारण
चैत १६, २०८० शुक्रबार