देश वर्तमान अबस्थामा शंकटको घडीमा

१ पुस काठमाडौ । स्वर्गीय राजा महेन्द्र शाहको ४९औ स्मृति दिवश रुपन्देहीको भैरहवामा मनाइएको छ । राष्ट्रवादी एकता समाज रुपन्देही र शिव सेना नेपाल रुपन्देहीको संयुक्त आयोजनामा स्मृति दिवस मनाईएको हो ।

राष्ट्रवादी एकता समाज रुपन्देहीका अध्यक्ष राम औतार यादवको अध्यक्षता ,पुर्व मन्त्री प्रकाश चित्रकारको प्रमुख आतिथ्यमा स्व।राजा महेन्द्र शाहको ४८ औं स्मृति दिवस मनाइयो हो ।

सो अवसरमा गिता अध्ययन तथा प्रचार प्रसार मण्डलका अध्यक्ष शिव ढकालद्वारा गिता वाचन गरिएको थियो । कार्यक्रममा सहभागीहरुले दिप प्रज्वलन सहित स्वर्गीय राजा शाहको तस्बिरमा फुलमाला र अविर अर्पण गरेका थिए ।

कार्यक्रममा पुर्व मन्त्री प्रकाश चित्रकार ,शिव सेना नेपाल रुपन्देही का अध्यक्ष बिपीन मल्लिक , बरिष्ट संचारकर्मी रामेश्वर भट्ट ,नागरिक समाज रुपन्देही का शारदा पोखरेल , राष्ट्रवादी एकता समाज रुपन्देही का अध्यक्ष राम औतार यादव लगायतको सहभागीता थियो ।

उनीहरूले स्वर्गीय राजा महेन्द्रको योगदान माथी प्रकाश पार्दै वर्तमान अबस्थामा देश शंकटको घडीमा रहेको कारण राजसंस्था पुनर्स्थापना गर्नु पर्ने कुरामा जोड दिएका छ्न ।