प्रचण्डपत्नी सीता रामदेवको आश्रम हरिद्वारमा

४ पुस काठमाडौं । लामो समयदेखि बिरामी रहेकी नेकपा अध्यक्ष तथा पूर्व प्रधानमन्त्री पुष्पकमल दाहाल ‘प्रचण्ड’की धर्मपत्नी सीता दाहाल उपचारका लागि रामदेवको आश्रममा पुगेकी छन् ।

अध्यक्ष प्रचण्डकी स्वकीय सचिव समेत रहेकी छोरी गंगा दाहालले सीतालाई आयुर्वेदिक उपचारका लागि भारतको उत्तराखण्डस्थित हरिद्वारमा रहेको पतञ्जली योगपीठमा उपचारका लागि लगेकी हुन । दाहालसँगै पूर्वमन्त्री मातृका यादव पनि सँगै पुगेका छन् ।

छोरी गंगाले आफ्नो सामाजिक सञ्जाल फेसबुकमा ममीको आयुर्वेदिक ऊपचारका लागि हरिद्वार स्थित पतन्जली योगपिठमा बाबा रामदेव अनि आचार्य बालकृष्ण सँगै हामी। भनेर खिचेको तस्विरहरु सार्वजनिक गरेकी हुन् । सीता विगत लामो समयदेखि प्रोगेसिभ सप्रान्युक्लियर पाल्सी ‘पीएसपी’ रोगबाट पीडित छन् ।