शेयर बजारमा दोहोरो अंकको वृद्धिसँगै ६० करोड नजिकको कारोवार, बजारले लय समातेकै हो ?

७ पुष, काठमाडाैं । साताको दोश्रो कारोवार दिन लगानीकर्तालाई दोश्रो बजार निकै उत्साहपूर्ण रह्यो । दोश्रो बजारमा दोहोरो अङ्कको वृद्धि देखियो भने कारोवार रकममा पनि राम्रो वृद्धि भएको छ ।

दोश्रो बजार परिसूचकमा १ दशमलव ५४ प्रतिशतको वृद्धि देखिएको हाे । दोश्रो बजार १७ दशमलव ७७ अंकले बढ्दै ११६८ दशमलव ५८ को विन्दुमा बन्द भएको छ ।

आज १७७ कम्पनीका १७ लाख ५४ हजार कित्ता शेयर खरिदबिक्री भएको छ । कारोवार रकम पनि आकर्षक हिसाबले वृद्धि हुँदै ५९ करोड ५७ लाख पुगेको छ ।

आज उत्पादन तथा प्रशोधन उपसूचकमा सर्वाधिक वृद्धि देखियो । उत्पादन तथा प्रसोधन उपसुचकमा ५ दशमलव ११ प्रतिशतको वृद्धि देखियो । त्यस्तै अन्य उपसुचकमा ४ दशमलव ८६ प्रतिशतको वृद्धि देखियो ।

आज म्युचअल फण्ड बाहेक सम्पूर्ण उपसुचकमा वृद्धि देखिएको छ । बजारलाई मुख्य ड्राईभ गर्ने वाणिज्य बैंकहरुको उपसुचकमा भने सामान्य शुन्य दशमलव ३२ प्रतिशतको वृद्धि देखिएको छ । बजारले ठूलो बुल समात्न वाणिज्य बैंक उपसुचकमा पनि वृद्धि आउनु पर्ने देखिन्छ । 

आज बजार ११५० दशमलव ९३ को विन्दुमा खुले लगत्तै बजारले माथिल्लो दिशा समातेको थियो । बजार खुलेबाट नै घट्न नमानेकाले बजारको न्यून विन्दु र खुला विन्दु एकै रहेको छ । बजारले २ बजेर ५२ मिनेटमा ११६८ दशमलव ७९ को विन्दु समातेकोमा बजार बन्द पनि त्यही विन्दुमा भएको थियो ।

खुला विन्दु र न्यून विन्दु एकै हुनु, उच्च विन्दु र अन्तिम विन्दु एउटै जस्तै हुनु र कारोवार रकम वृद्धि हुनुलाई सकारात्मक प्रवृत्तिको रुपमा लिन सकिन्छ ।

आज नागरिक लगानी कोषको शेयर मूल्य सर्वाधिक १० प्रतिशतले वृद्धि भएको छ । आज ६ कम्पनीको बजार मूल्य ९  प्रतिशत भन्दा माथि वृद्धि भएको छ ।

त्यस्तै सर्वाधिक गुमाउनेमा पाँचथर पावर कम्पनी माथि रहेको छ । पाँचथर पावर कम्पनीको बजार मूल्य ७ दशमलव ०१ प्रतिशतले घटेको छ । सर्वाधिक गुमाउने ५ कम्पनीको सूचीमा ४ हाईड्रोपावर कम्पनी रहेका छन् ।

हेरौं सर्वाधिक कमाउने ५ कम्पनी:

हेरौं सर्वाधिक गुमाउने ५ कम्पनी:

हिजो जस्तै आज पनि शिवम सिमेण्ट्सको शेयर सर्वाधिक खरिदबिक्री भएको छ । शिवम सिमेण्ट्सको ५ करोड ८५ लाखको शेयर खरिदबिक्री भएको छ ।

प्राविधिक विश्लेषण:

पहिलो प्रतिरोध : ११८० पहिलो टेवा : ११५०

• प्राविधिक बिश्लेषण अनुुसार नेप्से हाल प्रतिरोध क्षेत्रतिर नजिकिदै गएको छ । आज बजार खुलेदेखि खरिदकर्ताको चाप रहेको छ र कारोबार रकम पनि बढेको छ ।
• आजको बजारले “बुलिस मारुबोजु” मैनबत्ती आकृति बनाएको छ । यसले बजारमा माग बढी रहेको जानकारी गराउँदछ र अर्को दिन पनि आपूर्तीभन्दा माग बढी हुने संकेत गर्दछ ।
• दैनिकी अवधिमा “आरएसआई” ६५ दशमलब ३२ को बिन्दुमा छ । आरएसआई अक्सिलेटरले बजारमा माग बढी रहेको जानकारी गराएको छ ।
• “एडिएक्स” तथा जोड र बिजोड “डाइरेक्सनल इन्डेक्स” हरुले बजारमा पुन क्रेताको चाप हुन थालेको देखाएको छ ।
• “अन ब्यालेन्स भल्यूम” ले बजारमा क्रेता बढेको संकेत गरेको छ ।
• नेप्से बढेमा पहिलो प्रतिरोध ११८०को क्षेत्रमा पाउने देखिन्छ र घटेमा पहिलो टेवा ११५० को क्षेत्रमा पाउने देखिन्छ ।