आजदेखि एसएसपीसहित ३४ सिनियर अधिकृतले अवकाश पाउँदै

११ पुस काठमाडौं । ३० बर्षे सेवा अवधिका कारण नेपाल प्रहरीमा दुई प्रहरी वरिष्ठ उपरीक्षक ‘एसएसपी’ सहित ३४ सिनियर अधिकृतले आज शुक्रबारदेखि अवकाश पाउने भएका छन् ।

प्रहरी वरिष्ठ उपरीक्षक ‘एसएसपी’ द्वय बिभुतिराज पाण्डे र भोजजंग शाहसहित ३४ जना सिनियर अधिकृतले ३० बर्षे सेवा अवधिको कारण शुक्रबारदेखि अवकाश लिन लागेका हुन् ।

अवकाश पाउनेहरुमा प्रहरी उपरीक्षक ‘एसपी’ हरु राजकुमार लम्साल, अच्युतप्रसाद पुडासैनी, बिद्यानन्द माझी, प्रहरी नायब उपरीक्षक डीएसपीहरु शिवराज बस्नेत, मनोहरराज श्रेष्ठ, सुभाष गैह्रे, प्रदीप डिसि, रामशंकर कोहार, कृष्णदत्त भट्ट, बिनोदबिक्रम शाह, विनोद खड्का, कृष्णगोपाल पनेरु, कृष्णराज सापकोटा, कृष्णसुन्दर बिष्ट, चिनकपुर गुरुङ, निर्मल लामा लगायत छन् ।

त्यस्तै प्रहरी निरीक्षक ‘इन्स्पेक्टर’ बिष्णुप्रसाद पोखरेल, योगेन्द्रबहादुर हमाल, हरीदास श्रेष्ठ, राजेश राई लगायतले समेत शुक्रवारदेखि अनिवार्य अवकाश पाउदैछन् ।

शुक्रबारदेखि अवकाश पाउने एसएसपी सहित ३४ जना अधिकृतहरु २०४६ पुस ११ मा प्रहरी सहायक निरीक्षक ‘असई’ बाट नेपाल प्रहरीमा सेवा प्रवेश गरेका थिए ।