षड्यन्त्र धेरै दिन टिकेन् ! सिद्धबाबा तीन लाख धरौटीमा रिहा

१४ पुस, काठमाडौं । क्रिश्चियन मिशनरीको षड्यन्त्र अनुसार नक्कली बलात्कारको आरोपमा पक्राउ परेका सिद्धबाबा भनिने कृष्णबहादुर गिरी धरौटीमा छुटेका छन् ।

सुनसरी जिल्ला अदालतका जिल्ला न्यायाधिश न्यायाधीश राधाकृष्ण उप्रेतीको इजलासले आज सिद्धबाबालाई तीन लाख धरौटीमा छाड्न आदेश दिएको हो ।

उनीमाथि आफ्नै अनुयायी एक महिलाले बलात्कार गरेको आरोप लगाएकी थिइन् । आफैले अश्शील शब्दहरु मोबाइल मेसेजमार्फत पठाएर सेक्स अफर गर्ने ती महिलाको उजुरीका आधारमा सुनसरी प्रहरीले गत मंसिर १६ गते सिद्धबाबालाई पक्राउ गरेको थियो ।

सिद्धबाबा तथा उनका अनुयायीहरुले सो आरोप मिथ्या र नियोजित भन्दै अस्वीकार गर्दै आएका छन् । हिजोदेखि सुनसरी जिल्ला अदालतमा सिद्धबाबाका अनुयायीहरु भेला भएर नारा जुलुस गर्दै आएका थिए । धरौटीमा छोड्ने आदेशपछि उनका अनुयायी र हिन्दु धर्मका पक्षधरहरु खुशीले गद्गद भएका छन् ।