आज बजार सामान्य अंकले घट्नुको, यस्तो छ कारण ?

१५  पुष, काठमाडाैं । निकै ठुलो बजार पुँजीकरण भएको नेपाल टेलिकमको शेयर मुल्यमा ५ दशमलव ८९ प्रतिशतको गिरावट आउँदा आज त्यसको प्रत्यक्ष असर दोश्रो बजार परिसूचकमा परेको देखिन्छ ।

नेप्सेले ड्राईभ गर्ने प्रमुख उपसुचक वाणिज्य बैंकको उपसुचकमा वृद्धि आउँदा समेत बजार बढ्न मानेको थिएन । साताको तेश्रो कारोवार दिन बजार १ दशमलव ९२ अंकले घटेको छ । कारोवार रकम पनि कम हुँदै ४४ करोड २२ लाखमा सिमित भएको छ ।

दोश्रो बजार परिसूचकमा ० दशमलव १६ प्रतिशतको गिरावट देखिएको छ । दोश्रो बजार ११६६ दशमलव ०३ को विन्दुमा बन्द भएको छ । आज १७७ कम्पनीका १३ लाख ०२ हजार कित्ता शेयर खरिदबिक्री भएको छ ।

आज ट्रेडिङ्ग कम्पनीहरुको उपसुचकमा सर्वाधिक २ दशमलव ०६ प्रतिशतको वृद्धि देखिएको छ ।  आज वाणिज्य बैंक उपसुचक, ट्रेडिङ्ग उपसुचक, होटल उपसुचक, विकास बैंक, हाईड्रोपावर, लघुवित्त उपसुचकमा मात्र वृद्धि देखिएको छ । आज अन्य उपसुचकमा सर्वाधिक ४ दशमलव ०६ प्रतिशतको गिरावट देखिएको छ ।

बजारको आजको उच्च विन्दु ११७१ दशमलव ४९ रहेकोमा थियो ।  बजारले सो विन्दु ११ बजेर ५२ मिनेटमा समातेको थियो । बजारले २ बजेर ३६ मिनेट जाँदा ११६३ दशमलव ०२ को न्यून विन्दु समातेको थियो ।

आज विशाल बजार कम्पनीको शेयर मूल्य सर्वाधिक ७ दशमलव ८० प्रतिशतले वृद्धि भएको छ । सर्वाधिक गुमाउनेको सुचीमा सबैभन्दा माथि नेपाल टेलिकम रहेको छ । नेपाल टेलिकमको बजार मूल्य ५ दशमलव ८९ प्रतिशतले घटेको छ ।

हेरौं सर्वाधिक कमाउने ५ कम्पनी:

हेरौं सर्वाधिक गुमाउने ५ कम्पनी:

नेपाल लाईफ इन्स्योरेन्सको शेयर सर्वाधिक खरिदबिक्री भएको छ । नेपाल लाईफ इन्स्योरेन्सको ६ करोड १७ लाखको शेयर खरिदबिक्री भएको छ ।

प्राविधिक विश्लेषण:

पहिलो प्रतिरोध : ११७५ देखि ११८२ को क्षेत्र पहिलो टेवा : ११६०

• आज नेप्से छोटो समयको टेवा र साथै मुख्य प्रतिरोध क्षेत्रमा रहेको देखिन्छ । यसले बजारमा अहिले नै बजारले कुन दिशा लिन सक्छ, त्यो निश्चित रुपमा तय गरेको देखिन्दैन ।
• आजको बजारले “डोजी” मैनबत्ती आकृति बनाएको छ । यसले बजारमा लगानीकर्ताहरु निश्कर्षविहिन रहेको जानकारी गराउँदछ ।
• दैनिकी अवधिमा “आरएसआई” ६० दशमलब ७० को बिन्दुमा छ । आरएसआई अक्सिलेटर हालसम्म “न्यूट्रल जोन”  भन्दा माथि नै रहेको छ । यसले बजारमा विक्रीकर्ताको चाप निश्चित रुपमा नभएको जानकारी गराएको छ ।
• “एडिएक्स”ले खरिदकर्ताको हालसम्म चाप रहेको जानकारी गराएको छ भने जोड र बिजोड “डाइरेक्सनल इन्डेक्स”हरुले बजारमा माग र आपूर्ती तटस्थ अवस्थामा रहेको जानकारी गराएको छ ।
• “अन ब्यालेन्स भल्यूम” ले  बजारमा अब विक्रेताको चाप हुन सक्ने संकेत गरे पनि नेप्सेको प्रवृत्तिले हालसम्म समर्थन गरेको देखिन्दैन ।
• नेप्से बढेमा पहिलो प्रतिरोध ११७५ को क्षेत्रमा पाउने देखिन्छ र घटेमा पहिलो टेवा ११६० को क्षेत्रमा पाउने देखिन्छ ।