यसरी मनाए गुरुङ समुदायले तमू ल्होसार पर्व [ फोटोफिचर ]
नेपालबहस संवाददाता
पुस १५, २०७६ बुधबार १:३५:५४
१५ पुस काठमाडौं । मृग वर्षलाई बिदाइ गरी मुसा वर्षलाई स्वागत गरेर गुरुङ समुदायले तमू ल्होसार पर्व २०७६ धुमधामका साथ मनाएका छन् ।
१५ पुसलाई नयाँ वर्ष मान्ने गुरुङ समुदायको परम्पराअनुसार मंगलबार काठमाडौको टुडिखेलमा तमु ल्होसार मूल आयोजक समितिको आयोजनामा विशेष कार्यक्रम गरी गुरुङ समुदायले तमु ल्होसार मनाएका हुन ।
यसवर्ष पुस १४ गते राति १२ बजे मृग वर्षलाई बिदाइ गरी मुसा वर्षलाई स्वागत गरी तमू ल्होसार मनाएको तमुल्होसार मूलआयोजक समितिको भनाई छ । कार्यक्रममा राष्ट्रपति विद्यादेवी भण्डारी,महिला बालबालिका तथा जेष्ठ नागरिक मन्त्री पार्वत गुरुङ,सत्तारुढ नेकपाका प्रमुख सचेतक देव गुरुङ,लगायत व्यक्तिहरुको सहभागिता रहेको थियो ।
कार्यक्रममा बोल्दै महिला बालबालिका तथा जेष्ठ नागरिक मन्त्री पार्वत गुरुङले आफू पनि गुरुङ सुमदायको प्रतिनिधित्व गर्ने भएकाले गुरुङ समुदायको अपमान र कलंक हुने काम कहिले नगर्ने बताए । उनले गुरुङ समुदायको राष्ट्रिय पर्व तमू ल्होसारको अवसरमा दिने गरेको सावर्जनिक विदा कटौतीका विषयमा मन्त्रीपरिषदको सदस्यको हैसियतले उक्त माग सम्बोधन गर्न सहजीकरण र पहल गर्ने प्रतिबद्धता व्यक्त गरे ।
त्यस्तै तमू गुरुङ राष्ट्रिय परिषदका अध्यक्ष रेशम गुरुङले गुरुङ समुदायको राष्ट्रिय पर्व तमु ल्होसारमा विगतमा दिदै आएको सार्वजनिक बिदा कटौती गरेर आफूहरुलाई सरकाले विभेद र अन्याय गरेको बताए ।
परापूर्वकालमा गुरुङ समुदायले वर्षलाई गन्न १२ जनावरको नामबाट वर्षको नामाकरण गरेको परम्परा अनुसार मुसापछि गाई, बाघ, बिरालो, सुगा, सर्प, घोडा, भेडा, बाँदर, चरा, कुकुर र मृग गरी १२ जनावरका नामबाट वर्षको नामाकरण गरिएको हो ।
यसवर्ष तमुल्होसारका अवसरमा आइतबारदेखि तीन दिनसम्म गुरुङ समुदायको सांस्कृतिक परम्परामा आधारित लोकदोहोरी गीत प्रतियोगिता समेत आयोजना गरिएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपपरम्परागत होली पछ्याउँदै राना थारू समुदाय
चैत १५, २०८० बिहिबार
बागेश्वरी मन्दिरमा तामाको छाना
चैत १४, २०८० बुधबार
रानाथारू समुदायमा होलीको उल्लास
चैत १४, २०८० बुधबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
देशमा अर्को उथलपुथल हुनेवाला छः प्रधानमन्त्री प्रचण्ड
चैत १५, २०८० बिहिबार
देउडा खेल्दै सर्वसाधारण
चैत १६, २०८० शुक्रबार
उप निर्वाचनलक्षित एजेन्डा पासगर्दै किसान महासंघ केन्द्रीय समितिको बैठक इलाममा सम्पन्न
चैत १६, २०८० शुक्रबार
धार्मिक पर्यटकीय स्थल बिम गाउँ
चैत १६, २०८० शुक्रबार
बनेपा हाट बजार अवलोकन गर्दै प्रजिअ शर्मा
चैत १६, २०८० शुक्रबार
दक्षिण अफ्रिकाका पूर्व राष्ट्रपति जुमालाई चुनाव लड्न प्रतिबन्ध
चैत १६, २०८० शुक्रबार
बोआओ फोरममा चीनको प्रतिबद्धता, खुलापन र साझेदारी
चैत १६, २०८० शुक्रबार