कुमारी बैंकलाई छैन् स्प्रेडदरको तनाव, ऋणपत्र निश्काशनपछि सीसीडी रेसियो सन्तुलनमा आउने
आर्थिक संवाददाता
पुस १६, २०७६ बुधबार २२:४१:५
१६ पुष, काठमाडाैं । कुमारी बैंकले आर्थिक वर्ष ०७५/७६ को मुनाफाबाट १० प्रतिशत बोनस शेयर र कर प्रयोजनका लागि ० दशमलव ५२ प्रतिशत नगद लाभांश गरी १० दशमलव ५२ प्रतिशत लाभांश वितरण गरेको छ । १० प्रतिशत बोनस शेयर पश्चात कम्पनीको पुँजी ९ अर्ब ५५ करोड पुगेको छ ।
कम्पनीको लाभांशको इतिहास:
कुमारी बैंकले आर्थिक वर्ष ०७५/७६को मुनाफाबाट १० प्रतिशत बोनस शेयर र शुन्य दशमलव ५२ प्रतिशत नगद लाभांश वितरण गरेकोमा गत आर्थिक वर्ष ०७४/७५ मा कम्पनीले ८ दशमलव ५ प्रतिशत प्रतिशत बोनस शेयर प्रदान गरेको थियो । विगत ५ वर्षको लाभांश ईतिहास हेर्दा कम्पनीले बोनस शेयरलाई नै प्राथमिकतामा राखेको देखिन्छ ।
हेरौं कम्पनीको ५ वर्षको लाभांशको ईतिहास:
कम्पनीको आर्थिक वर्ष ०७६/७७ को प्रथम त्रैमास र आर्थिक वर्ष ०७५/७६ को प्रथम त्रैमासलाई दाँजेर हेर्दा :
खुद ब्याज आम्दानीमा वृद्धि :
बैंकको प्रमुख आम्दानीको श्रोतमा रहेको खुद ब्याज आम्दानीमा १२ प्रतिशतको वृद्धि देखिएको छ । बैंकले चालु आर्थिक वर्षको प्रथम त्रैमासमा ९१ करोड ८५ लाख खुद व्याज आम्दानी गरेकोमा अघिल्लो आर्थिक वर्षको प्रथम त्रैमासमा कम्पनीले ८१ करोड ७६ लाख खुद व्याज आम्दानी गरेको थियो ।
खुद मुनाफामा वृद्धि :
गत आर्थिक वर्षको पहिलो त्रैमासमा ३५ करोड १८ लाख खुद मुनाफा गरेको कम्पनीले अहिले भने ४० करोड १९ लाख खुद मुनाफा गरेको छ । यसरी खुद मुनाफामा १४ प्रतिशतको वृद्धि देखिएको छ ।
प्रतिशेयर आम्दानीमा वृद्धि:
चुक्ता पुँजीमा १० प्रतिशतको वृद्धि भएको र खुद मुनाफामा १४ प्रतिशतको वृद्धि भएको कारणले गर्दा कम्पनीको प्रति शेयर आम्दानीमा ४ प्रतिशतको वृद्धि देखिएको छ । कम्पनीको प्रकाशित प्रतिशेयर आम्दानी १६ रुपैया ८३ पैसा रहेको छ ।
जगेडा कोष बढ्यो, संचित मुनाफामा घट्यो :
कम्पनीको जगेडा कोष ७ प्रतिशतले वृद्धि हुँदै जगेडा कोषमा २ अर्ब २४ करोड रकम पुगेको छ । संचित मुनाफा भने ६९ प्रतिशतले कम हुँदै २७ करोड ९१ लाख पुगेको छ । शेयर प्रिमियम शिर्षकमा कुनै रकम छैन । गत आर्थिक वर्षको प्रथम त्रैमासमा शेयर प्रिमियम शिर्षकमा ५ करोड ४८ लाख रकम थियो ।
निक्षेप कर्जा कस्तो ?
बैंकले चालु आर्थिक वर्षको प्रथम त्रैमास र अघिल्लो आर्थिक वर्षको प्रथम त्रैमासलाई आधार मान्दा बैंकको निक्षेप संकलन ७ प्रतिशतले वृद्धि गर्न सफल भएको छ भने कर्जा प्रवाह भने ६ प्रतिशतले बढेको छ । बैंकले चालु आर्थिक वर्षको प्रथम त्रैमासमा ७८ अर्ब ३० करोड निक्षेप संकलन गरी ७७ अर्ब २४ करोड कर्जा प्रवाह गरेको छ ।
कम्पनी र दोश्रो बजार:
मूल्य आम्दानी अनुपात १० गुणा:
कम्पनीको पुष १६ गतेको बजार मूल्य १७७ लाई आधार मान्दा कम्पनीको मूल्य आम्दानी अनुपात १० दशमलव ५२ गुणा आउँछ । मूल्य आम्दानी अनुपात १० गुणा भन्दा मुनि हुनुलाई सकारात्मक रुपमा हेर्न सकिन्छ ।
वास्तविक मूल्य (Fair Value):
कम्पनीको प्रतिशेयर आम्दानी १६ रुपैयाँ ८३ पैसा र किताबी मूल्य १२६ रुपैयाँ ३९ पैसालाई आधार मान्दा कम्पनीको वास्तविक मूल्य २१९ रुपैयाँ हुन आउँछ ।
यसको आधारमा अहिलेको कम्पनीको बजार मूल्य १७७ लाई हेर्दा कम्पनीको बजार मूल्य वास्तविक मूल्य भन्दा थोरैमा कारोवार भएको छ । कम्पनीको पुष १६ गतेको बजार मूल्य उसको वास्तविक मूल्य भन्दा प्रतिकित्ता ४२ रुपैयाँ सस्तो देखिन्छ ।
मूल्य र किताबी मूल्यको आधारमा:
कम्पनीको दोश्रो बजारको मूल्य र किताबी मूल्यको अनुपात निकाल्दा कम्पनीको अनुपात १ दशमलव ४० गुणा आउँछ । बेन्जामिन ग्रामले सो अनुपात १ दशमलव ५ गुणा भन्दा धेरै भएका कम्पनीलाई “ओभर भ्यालूड” क्षेत्रमा राखेको देखिन्छ । यो शुत्र प्रयोग गर्दा कम्पनीको बजार मूल्यलाई कम्पनीको आधारभुत हिसाबसँग दाँजेर हेर्दा कम्पनी “अण्डर भ्यालूड” क्षेत्रमा देखिन्छ ।
खराब कर्जा घटाउन सफल :
अघिल्लो आर्थिक वर्षको प्रथम त्रैमासमा १ दशमलव १४ प्रतिशत रहेको खराब कर्जा अहिले चालु आर्थिक वर्षको प्रथम त्रैमासमा घटेर १ दशमलव ०५ प्रतिशतमा आएको छ ।
निस्कर्ष:
दोश्रो बजारमा मूल्य आम्दानी अनुपात १० गुणाको हाराहरीमा छ । यसलाई सकारात्मक रुपमा लिन सकिन्छ । विगत ५ वर्षको तथ्यांक हेर्दा कम्पनीले बोनस शेयरलाई प्राथमिकतामा राख्दै पुँजी वृद्धि गर्दै लागेको देखिन्छ ।
प्रकाशित स्प्रेडदर ३ दशमलव ७५ प्रतिशत छ । अन्य बैंकलाई स्प्रेडदर घटाउने चिन्ता परेको बेला बैंकलाई भने यो कुराको तनाव छैन । कम्पनीको प्रकाशित सीसीडी अनुपात ७९ दशमलव ८० प्रतिशत रहेको छ ।
यसको मतलव कम्पनीलाई निकट भविष्यमा कर्जा प्रवाह गर्न बैंकले आक्रामक रुपमा निक्षेप संकलनमा लाग्नु पर्ने देखिन्छ । तर तीन अर्बकाे ऋणपत्र बिक्री खुल्ला गरिसकेकाेले सीसीडी रेसियाे पनि सन्तुलनमा आउँदा कर्जाक ब्याजदर अन्य बैंककाे भन्दा सस्ताे पर्ने देखिन्छ ।
उपलब्ध तथ्याङ्क आधारित विश्लेषण पूर्ण होइन, निर्णय लिँदा थप अनुसन्धान गर्नुपर्ने छ। – लेखक
आर्थिक संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपस्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
सरकारले तोक्यो चैते धानको समर्थन मूल्य
चैत १५, २०८० बिहिबार
‘बिराट गोल्ड कप फुटबल’ काे मुख्य प्रायोजनमा एनआईसी एशिया बैंक
चैत १५, २०८० बिहिबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
कोशी प्रदेशले आगलागी पीडित सन्थाल समुदायका लागि स्थायी घर निर्माणमा पहल गर्ने
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार