सीमा विवाद हल गर्न राजनीतिक पहल आवश्यक

१७ पुष, काठमाडौं । राष्ट्रियसभाको आज बसेको बैठकले भारतसँगको सीमा विवाद हल गर्न उच्चस्तरीय राजनीतिक पहल गर्न सरकारलाई निर्देश गरेको छ ।

सत्तारुढ नेकपाका प्रमुख सचेतक खिमलाल भट्टराई र प्रमुख प्रतिपक्षी नेपाली कांगे्रसका सरिता प्रसाई प्रस्तावक र समर्थक भई पेश भएको सीमा सम्वन्धी संकल्प प्रस्तावलाई आजको बैठकले सर्वसम्मतिले पारित गर्दै सरकारलाई यस्तो निर्देशन दिएको हो ।

भारतसँगको सीमासम्वन्धी विवादलाई कूटनीतिक रुपमा समाधान गर्न उच्चस्तरीय पहल गर्न सरकारले प्रक्रिया सुरु गरोस् भन्ने प्रस्ताव पास भएको हो ।

वैठकले यस विषयमा सम्पूर्ण मुलुक नै एकतावद्ध भई उभिएको अवस्थामा सरकारले इमान्दार पहल गर्नुपर्छ भनि प्रस्ताव पारित गर्दछ भनिएको छ ।