पोखरामा भूकम्पको धक्का, मानिसहरु घर बाहिर निस्के

१७ पुष, पोखरा । पोखरामा भर्खरै भूकम्प गएको छ । राती ९.५९ मिनेटमा पाेखरा, तनहुँ, स्याङ्जा, लमजुङ, पर्वतलगायत आसपासका क्षेत्रमा भुकम्पको धक्का महशुस भएको हो ।

भूकम्प ५.८ रेक्टर स्केलको गएकाे अनुमान गरिएकाे तर आधिकारीक पुष्ठी हुन भने बाँकी रहेकाे छ । केन्द्रबिन्दु भने कास्की नै रहेकाे या अन्यत्र भन्ने बारे यकिन जानकारी आइनसके पनि स्थानीयहरुले अनुमानित ३० सेकेन्ड जति झड्का महशुस गरेकाे दावी गरेका छन् ।

केही मानिसहरु घर बाहिर निस्केका छन् भने सामाजिक सञ्जालमा कोकोहोला मच्चिएको छ । मानिसहरु सुत्ने तरखर गरिरहदाँ भूकम्पको धक्का आएको हो । अहिलेसम्म कुनै क्षतिको विवरण भने थाहा भैसकेको छैन् ।