देउवाविरुद्ध सानेपामा उत्रिए जिल्ला सभापतिहरु : भन्छन्, विधान मिच्न पाईदैन !
नेपालबहस संवाददाता
पुस २१, २०७६ सोमबार १८:४१:२०
२१ पुस काठमाडौं । नेपाली कांग्रेस नेतृत्वलाई दबाब दिने रणनीति तय गर्न संस्थापनइतर समूहले सोमबार जिल्ला सभापतिहरुको भेला आयोजना गरेको छ । जिल्ला सभापतिहरुको भेलाले सोमबार नेपाली कांग्रेसको सानेपास्थित केन्द्रीय कार्यालयको माहोल भिन्न बनेको छ ।
सधैजसो पत्रकार सम्मेलन तथा केन्द्रिय कार्य समिति बैठकले भिडभाड हुने सानेपामा हिजोआज नेपाली कांग्रेसको असन्तुष्ट पक्षले आफू पक्षीय जिल्ला सभापतिहरुको भेला बोलाएसंगै नेपाल विद्यार्थी संघको रिले अनशनले माहोललाई थप बलियो बनाएको छ ।
नेपाल विद्यार्थी संघका नेता र कार्यकर्ता पार्टी कार्यालयको ढोकैमा दिनरात अनशन बसेको आज २० औँ दिन भयो । उनीहरुले पार्टी नेतृत्वले विधान मिचेर ५० वर्ष नाघेका व्यक्तिलाई नेविसंघको नेतृत्वमा ल्याउन लागेको सुइँको पाएपछि विरोधमा विद्यार्थीले अनशन थालेका हुन् । नेविसंघले ३२ वर्षमूनिका व्यक्तिलाई नेविसंघ केन्द्रीय कार्यसमितिमा ल्याउनुपर्ने माग गरेका छन् ।
यता सभापति शेरबहादुर देउवाको कदमविरुद्ध लड्न भन्दै पौडेल पक्षले आफू पक्षीय जिल्ला सभापतिहरुको भेला बोलाएको हो । भेलामा सहभागी हुन विभिन्न जिल्लाका कांग्रेस सभापतिहरु अहिले सानेपा आउनेक्रम जारी रहेको छ । बिहान ११ बजे सुरु हुने भनिएको भेला सभापतिहरु आउने क्रम जारी रहेकाले अबको केहीबेरमा शुरु हुने भएको छ । सभापति देउवाले एकलौटी ढंगले पेलेर जान खोजेकोले जिल्ला सभापतिहरुसँग छलफल गरेर आगामी रणनीति बनाउन पौडेल समूहले भेला बोलाएको हो ।
१४औँ महाधिवेशनको विषयलाई लिएर पार्टी्भित्र असमझदारी बढेको छ । वरिष्ठ नेता रामचन्द्र पौडेल र कृष्णप्रसाद सिटौला पक्षधरको बहिस्कारबीच कांग्रेस केन्द्रीय समितिले महाधिवेशनकाे मिति तोक्ने लगायतका महत्वपूर्ण निर्णय गरेपछि दुवै समूह सभापति शेरबहादुर देउवाविरुद्ध एकजुट भएर लाग्ने निष्कर्षमा पुगेका हुन् ।
सोमबार आयोजना गरिएको जिल्ला सभापतिहरुको भेलामा सहभागी हुन् करिब ४३ जिल्लाका सभापतिहरु अहिले पार्टी कार्यालय सानेपामा पुगेका छन् । उनीहरुले सभापति सभापति देउवाविरुद्ध विधान मिच्न पाईदैन भन्दै नारा जुलुस गरिरहेका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसरकारले तोक्यो चैते धानको समर्थन मूल्य
चैत १५, २०८० बिहिबार
देशमा अर्को उथलपुथल हुनेवाला छः प्रधानमन्त्री प्रचण्ड
चैत १५, २०८० बिहिबार
राष्ट्रिय सभाकी उपाध्यक्ष अर्यालले बुझाइन राजीनामा
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
सरकारले तोक्यो चैते धानको समर्थन मूल्य
चैत १५, २०८० बिहिबार
‘बिराट गोल्ड कप फुटबल’ काे मुख्य प्रायोजनमा एनआईसी एशिया बैंक
चैत १५, २०८० बिहिबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
कोशी प्रदेशले आगलागी पीडित सन्थाल समुदायका लागि स्थायी घर निर्माणमा पहल गर्ने
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार