बजार खुलेबाट नै बुलिस ट्रेण्डमा, १ अर्ब माथिको कारोवार हुँदा कहाँ निर छ प्रतिरोध ?

२२ पुष, काठमाडाैं । साताको तेश्रो दिन शेयर बजारले १२०० को अंकभन्दा मुनि आउन नमानी निरन्तर वृद्धि भएको थियो । त्यसैले नेप्से परिसूचकमा दोहोरो अंकको वृद्धि देखिएको हो । नेप्से परिसूचकमा वृद्धिसंगै कारोवार रकम पनि १ अर्ब माथि पुगेको छ ।

साताको तेश्रो कारोवार दिन बजार १६ दशमलव २३ अंकले बढेको छ । कारोवार रकम पनि वृद्धि हुँदै १ अर्ब १० करोड पुगेको छ । दोश्रो बजार परिसूचकमा १ दशमलव ३५ प्रतिशतको वृद्धि देखिएको छ । दोश्रो बजार १२१६ दशमलव ९२ को विन्दुमा बन्द भएको छ । आज १७९ कम्पनीका ३८ लाख ८० हजार कित्ता शेयर खरिदबिक्री भएको छ ।

आज निर्जीवन बीमा कम्पनीहरुको उपसुचकमा सर्वाधिक १ दशमलव ८९ प्रतिशतको वृद्धि देखियो । बजारलाई मुख्य ड्राइभ गर्ने वाणिज्य बैंकहरुको उपसूचकमा पनि १ दशमलव ७६ प्रतिशतको वृद्धि देखिएको छ । आज होटल र उत्पादन कम्पनीहरुको उपसुचकमा मात्र गिरावट देखिएको छ ।

बजारले उच्च विन्दु बजार १ बजेर ३ मिनेट जाँदा समातेको थियो । बजारको आजको उच्च विन्दु १२१८ दशमलव १५ थियो । बजारले खुला विन्दु र न्यून विन्दु पनि एकै रहेको छ । आज बजारको न्यून विन्दु र खुला विन्दु १२०० दशमलव ६६ रहेको छ ।

आज सिभिल लघुवित्तको शेयर मूल्य सर्वाधिक १० प्रतिशतले वृद्धि भएको छ । सर्वाधिक गुमाउनेको सुचीमा सबैभन्दा माथि बोटलर्स नेपाल तराई रहेको छ । बोटलर्स नेपाल तराईको बजार मूल्य ३ दशमलव ९३ प्रतिशतले घटेको छ ।

हेरौं सर्वाधिक कमाउने ५ कम्पनी:

हेरौं सर्वाधिक गुमाउने ५ कम्पनी:

आज माछापुछ्रे बैंकको शेयर सर्वाधिक खरिदबिक्री भएको छ । माछापुछ्रे बैंकको १९ करोड ४९ लाखको शेयर खरिदबिक्री भएको छ । आज ९ वटा कम्पनीको २ करोड माथिको शेयर खरीदबिक्री भएको छ ।

प्राविधिक विश्लेषण:

पहिलो प्रतिरोध :१२२० पहिलो टेवा : १२००

• हाल नेप्से गत ६ सातादेखि बढ्दो प्रवृत्तिमा रहेको छ र हाल अवरोध क्षेत्रमा रहेको छ ।
• आज पनि बजारले “बुलिस मारुबोजु” मैनबत्तीको चित्र बनाएको छ । यसले बजारमा खरिदकर्ताको चाप अर्को दिन पनि हुन सक्ने जानकारी गराएको छ ।
• कारोबार रकम पनि बढेको छ । आजको कारोबारले बजारमा माग बढी रहेको जानकारी गराएको छ ।
• दैनिकी अवधिमा “आरएसआई” ७८ दशमलब ६० को बिन्दुमा छ । आरएसआईले बजारमा बढी खरिद भएको जनाएको छ ।
• “एडिएक्स” ले खरिदकर्ताको हालसम्म चाप रहेको जानकारी गराएको छ भने जोड र बिजोड “डाइरेक्सनल इन्डेक्स” हरुले पनि बजारमा माग बढी रहेकोे जानकारी गराएको छ ।
• नेप्सेको प्रवृत्तिलाई “अन ब्यालेन्स भल्यूम” ले  समर्थन गरेकोले छ ।
• नेप्से बढेमा पहिलो प्रतिरोध १२२० को क्षेत्रमा पाउने देखिन्छ र घटेमा पहिलो टेवा १२०० को क्षेत्रमा पाउने देखिन्छ ।