कामना सेवा विकास बैंकको लाभांश दर लगातार घट्दो क्रममा, आक्रामक व्यापार विस्तार गर्न नसक्दा प्रति शेयर आम्दानी लाजमर्दो
आर्थिक संवाददाता
पुस २२, २०७६ मंगलबार २३:५१:५७
२२ पुष, काठमाडाैं । पोखरामा केन्द्रिय कार्यालय रहेको कामना विकास बैंक र बुटवलमा केन्द्रिय कार्यालय रहेको सेवा विकास बैंक एकआपसमा मर्ज भएर काठमाडौं भित्रिएको कामना सेवा विकास बैंक राष्ट्रिय स्तरको कान्छो विकास बैंक हो ।
राजधानी भित्रिएको दुई बर्ष भित्रमा पनि यो बैंकले खासै प्रगति गर्न सकेको छैन् । मर्ज अगाडि नै दुवै बैंकमा रहेको अत्याधिक खराब कर्जाका कारणले होस् वा नयाँ व्यवस्थापनले आक्रामक रुपमा निक्षेप संकलन गरि कर्जा विस्तार गर्न नसक्दा शेयरधनीहरुले खासै लाभ पाउन सकिरहेका छैनन् । मर्ज पछि पनि राष्ट्र बैंकले तोकेको न्यूनतम पुँजी पुर्याउन धौधौ परेको यस बैंकले गत बर्ष अति न्युन बोनस शेयर दिएर भएपनि बल्लतल्ल २ अर्ब ५४ करोड चुक्ता पुँजी पुर्याएको छ ।
बैंकको अध्यक्षमा डिस होमका सीईओ सुदीप आर्चाय रहेका छन् भने अन्य संचालकहरुमा भीमप्रसाद तुलाचन, चतुराखर अधिकारी, देवकृष्ण काफ्ले, बलराम बराल र विश्वेश्वर सुवेदी रहेका छन् र यस्तै प्रमुख कार्यकारी अधिकृतमा प्रवीण वस्नेत तथा डीजीएमद्धयमा हरिप्रसाद लम्साल र टुवराज बास्तोला छन् । कामना सेवा विकास बैंकले वार्षिक साधारण सभा सम्पन्न गर्दै आर्थिक वर्ष ०७५/७६ को मुनाफाबाट ६ दशमलव ८ प्रतिशत नगद लाभांश वितरण गरेको छ ।
कम्पनीको लाभांशको इतिहास:
कम्पनीले आर्थिक वर्ष ०७३/७४ मा ५ दशमलव ५ प्रतिशत बोनस शेयर र ६ दशमलव ५ प्रतिशत नगद लाभांश गरी १२ प्रतिशत लाभांश दिएको थियो त्यस्तै आर्थिक वर्ष ०७४/७५ मा कम्पनीले १ दशमलव ५ प्रतिशत बोनस शेयर र ८ प्रतिशत नगद लाभांश गरी ९ दशमलव ५ प्रतिशत लाभांश दिएको थियो । यसरी सरसर्ती लाभांशको ईतिहास हेर्दा कम्पनीकाे लाभांशको दर घट्दो क्रममा छ ।
हेरौं कम्पनीको ३ वर्षको लाभांशको ईतिहास:
कम्पनीको आर्थिक वर्ष ०७६/७७ को प्रथम त्रैमास र आर्थिक वर्ष ०७५/७६ को प्रथम त्रैमासलाई दाँजेर हेर्दा :
खुद ब्याज आम्दानीमा वृद्धि :
बैंकको प्रमुख आम्दानीको श्रोतमा रहेको खुद ब्याज आम्दानीमा ७९ प्रतिशतको वृद्धि देखिएको छ । बैंकले गत आर्थिक वर्षको प्रथम त्रैमासमा १४ करोड ४ लाख खुद व्याज आम्दानी गरेकोमा चालु आर्थिक वर्षको प्रथम त्रैमासमा कम्पनीले २५ करोड १५ लाख खुद व्याज आम्दानी गरेको थियो ।
खुद मुनाफामा सामान्य वृद्धि :
गत आर्थिक वर्षको पहिलो त्रैमासमा २७ लाख ८८ हजार खुद मुनाफा गरेको कम्पनीले अहिले भने १ करोड ८६ लाख खुद मुनाफा गरेको छ । यसरी खुद मुनाफामा ५६९ प्रतिशतको वृद्धि देखिएको छ ।
प्रतिशेयर आम्दानीमा वृद्धि:
चुक्ता पुँजीमा बृद्धि नभएको र खुद मुनाफामा ५६९ प्रतिशतको बृद्धि भएको कारणले गर्दा कम्पनीको प्रति शेयर आम्दानीमा ५६९ प्रतिशतको वृद्धि देखिएको छ । कम्पनीको प्रति शेयर आम्दानी २ रुपैया ९४ पैसा रहेको छ । जुन अन्य बैंककाे तुलनामा अत्यन्त न्युन हाे । गत आर्थिक वर्षको प्रथम त्रैमासमा कम्पनीको प्रति शेयर आम्दानी ० दशमवल ४४ रुपैयाँ थियो ।
जगेडा कोष घट्यो, संचित मुनाफा बढ्यो:
कम्पनीको जगेडा कोष १ प्रतिशतले कम हुँदै ५२ करोड ५९ लाख रकम पुगेको छ । संचित मुनाफा भने ९२ प्रतिशतले वृद्धि हुँदै ३३ करोड २७ लाख पुगेको छ । शेयर प्रिमियम शिर्षकमा कुनै रकम छैन ।
निक्षेप कर्जा कस्तो ?
बैंकले चालु आर्थिक वर्षको प्रथम त्रैमास र अघिल्लो आर्थिक वर्षको प्रथम त्रैमासलाई आधार मान्दा बैंकको निक्षेप संकलन ११ प्रतिशतले वृद्धि गर्न सफल भएको छ भने कर्जा प्रवाह भने ९ प्रतिशतले बढेको छ । बैंकले चालु आर्थिक वर्षको प्रथम त्रैमासमा २५ अर्ब ४८ करोड निक्षेप संकलन गरी २१ अर्ब ९६ करोड कर्जा प्रवाह गरेको छ ।
खराब कर्जा घट्यो
बैंकको खराब कर्जा भने केही घटेको छ । गत आर्थिक वर्षको प्रथम त्रैमासमा १ दशमलव ७१ प्रतिशत रहेको खराब कर्जा अहिले भने यस त्रैमासमा आउँदासम्म केही घटेर १ दशमलव ६१ प्रतिशत पुगेको छ ।
कम्पनी र दोश्रो बजार:
मूल्य आम्दानी अनुपात ४८ गुणा:
कम्पनीको पुष २२ गतेको बजार मूल्य १४१ लाई आधार मान्दा कम्पनीको मूल्य आम्दानी अनुपात ४८ दशमलव ०१ गुणा आउँछ । यो दोश्रो बजारमा निकै धरै मूल्य आम्दानी अनुपात बैंक तथा वित्तीय संस्थाहरुको अहिलेको मूल्य आम्दानी अनुपात हेर्दा कामना सेवा विकास बैंकको मूल्य आम्दानी अनुपात निकै धरै नै हो ।
वास्तविक मूल्य (Fair Value):
कम्पनीको प्रतिशेयर आम्दानी २ रुपैयाँ ९४ पैसा र किताबी मूल्य १३३ रुपैयाँ ८१ पैसालाई आधार मान्दा कम्पनीको वास्तविक मूल्य ९४ रुपैयाँ हुन आउँछ । यसको आधारमा अहिलेको कम्पनीको बजार मूल्य १४१ लाई हेर्दा कम्पनीको बजार मूल्य वास्तविक मूल्य भन्दा धेरैमा कारोवार भएको छ । कम्पनीको पुष २२ गतेको बजार मूल्य उसको वास्तविक मूल्य भन्दा प्रतिकित्ता ४७ रुपैयाँ महँगो देखिन्छ ।
मूल्य र किताबी मूल्यको आधारमा:
कम्पनीको दोश्रो बजारको मूल्य र किताबी मूल्यको अनुपात निकाल्दा कम्पनीको अनुपात १ दशमलव ०५ गुणा आउँछ । बेन्जामिन ग्रामले सो अनुपात १ दशमलव ५ गुणा भन्दा धेरै भएका कम्पनीलाई “ओभर भ्यालूड” क्षेत्रमा राखेको देखिन्छ । यो शुत्र प्रयोग गर्दा कम्पनीको बजार मूल्यलाई कम्पनीको आधारभुत हिसाबसँग दाँजेर हेर्दा कम्पनी “अण्डर भ्यालूड” क्षेत्रमा देखिन्छ ।
निस्कर्ष:
कम्पनीको प्रति शेयर आम्दानी निकै थोरै रहेको छ । बैंकले राम्रो खुद मुनाफा निकाल्न नसकेको प्रस्ट देखिन्छ । त्यस्तै दोश्रो बजारमा निकै धेरै मूल्य आम्दानी अनुपातमा कम्पनीको शेयर मूल्य कारोवार भएको देखिन्छ । विगत ३ वर्षको लाभांशको ईतिहास हेर्दा कम्पनीको लाभांश दर घट्दो क्रममा छ ।
यही वित्तीय प्रतिवेदन आगामी त्रैमासमा पनि प्रस्तुत गरेमा कम्पनीबाट लगानीकर्ताले आकर्षक प्रतिफल प्राप्त गर्न नसक्ने देखिन्छ ।
उपलब्ध तथ्याङ्क आधारित विश्लेषण पूर्ण होइन, निर्णय लिँदा थप अनुसन्धान गर्नुपर्ने छ। – लेखक
आर्थिक संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसत्ता र शक्ति भएपछि न प्रहरी लाग्छ, न अदालत ?
बैशाख ५, २०८१ बुधबार
प्रदेश सरकारमा संकट पार्दै वैकल्पिक गठबन्धन निर्माणमा नेकपा एसको प्रयास
बैशाख ४, २०८१ मंगलबार
सत्ता गठबन्धनमा नेकपा एसको काउण्टर अट्याक, के होला उपनिर्वाचनपछि सरकारको अवस्था ?
बैशाख ३, २०८१ सोमबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
सत्ता र शक्ति भएपछि न प्रहरी लाग्छ, न अदालत ?
नेपालबहस संवाददाता
बैशाख ५, २०८१ बुधबार
आइसीसीको टी-२० वरियतामा दिपेन्द्रको छलाङ
नेपालबहस संवाददाता
बैशाख ५, २०८१ बुधबार
हार्दिक पाण्डेयलाई १२ लाख जरीवाना
बैशाख ७, २०८१ शुक्रबार
विलासी जीवन जिउने विद्या बालनले किन मागिन भिख ?
बैशाख ७, २०८१ शुक्रबार
त्रिभुवन विमानस्थलमा जहाज डिले हुँदा यात्रु मर्कामा, एति एयरलाइन्सको काउण्टरमै नाराबाजी
बैशाख ७, २०८१ शुक्रबार
भारतले रोक्यो नेपाली चियाको निर्यात
बैशाख ७, २०८१ शुक्रबार
संसदीय समितिमा फास्ट ट्रयाकबारे सेनाको बिफ्रिङ
बैशाख ७, २०८१ शुक्रबार
प्रिमियर कपमा तेस्रो स्थानको लागि नेपाल र हङकङ खेल्ने
बैशाख ७, २०८१ शुक्रबार
एसीसी प्रिमियर कपको फाइनलमा ओमान र युएई भिड्ने
बैशाख ७, २०८१ शुक्रबार
नेशनल पेमेन्ट गेटवे भ्रष्टाचार प्रकरणमा सुनिल पौडेल दोषी ठहर, ८ जनाले पाए सफाइ
बैशाख ७, २०८१ शुक्रबार
धरौटी बुझाउन नसकेपछि दीपेश पुनलाई जेल पठाइयो
बैशाख ७, २०८१ शुक्रबार