९२ लाख कालोधनसहित न्यूरोडबाट समातिए तीन मारवाडी, अपराध महाशाखा अवैध धन्दा नियन्त्रणतर्फ

२२ पुष, काठमाडौं । खसीको टाउको देखाएर कुकुरको मासु बेच्ने भने जस्तो राजधानीका विभिन्न स्थानमा बसेर अवैध धन्दा चलाउने चारजना मारवाडी व्यवसायी प्रहरीको फन्दामा परेका छन् ।

देशको अर्थतन्त्र नै ध्वस्त हुने गरि हुण्डीको कारोवार गर्ने मारवाडीहरुलाई महानगरीय अपराध महाशाखाले हिजो पक्राउ गरि सार्वजनिक गरेको हो । उनीहरुले व्हाट्सएप र वी च्याटमार्फत हुण्डी मार्फत कालोधन ओसारपसार गर्ने गरेका थिए ।प्रहरीले उनीहरुलाई काठमाडौंको न्यूरोडबाट पक्राउ गरेको हो ।

बिगत लामो समयदेखि देखाउने एउटा व्यापार तर मुख्य काम भने हुण्डीको धन्दा गर्ने विशेष सूचनाको आधारमा अपराध महाशाखाको टोलीले सोमबार साँझ छापा मारी यी चार जना मारवाडीलाई पक्राउ गरेको थियो । प्रहरीले पक्राउ परेका व्यक्तिहरुवाट नगद, चेक रकम, विभिन्न बैंकका हस्ताक्षर राखिएका चेकबुक, व्हाट्सएप, वीई च्या मार्फत अवैध हुण्डीको कारोबारसहितको विवरण बरामद गरेको छ ।

यसरी अबैध कारोवार गरी पक्राउ पर्नेमा काठमाडौं इन्द्रचोकमा इ–जोन पसलका सेल्फ स्टाफ भनिने गोपाल अग्रवाल, ईजोन पसलकै अर्का कर्मचारी सिन्धुपाल्चोक मेलम्चीका भोला नेपाल रहेका छन । प्रहरीले उनीहरुको साथबाट ९ लाख ५० हजार नगद तथा विभिन्न बैंकबाट चेक रकम ६४ लाख ९९ हजार बरामद गरेको छ ।

यस्तै काठमाडौं ताहाचल बसी एनएस ट्रेर्डस भोटेवहालका संचालक कमल अग्रवालको साथबाट २ लाख नगद तथा १४ लाख बरामद भएको छ भने सुनसरी धरान–२ का नारायणकुमार अग्रवाललाई नियन्त्रणमा पनि अबैध हुण्डीको कारोवारमा पक्राउ गरिएको छ ।

महानगरीय प्रहरी महाशाखाका एसएसपी सहकुलबहादुर थापाले अवैध हुण्डी कारोबार गर्ने चार जनासँग १३ लाख ५२ हजार नगद, बैक रकम ७८ लाख ९९ हजार गरी ९२ लाख ५१ हजार बरामद गरेको नेपालबहस डटकमलाई बताए । पक्राउ परेका चार जनामाथि थप अनुसन्धान तथा कारवाहीका लागि राजस्व अनुसन्धान विभाग पुल्चोक पठाइएको छ ।