बजार सकारात्मक गतिमा, बजारमा हरियाली आउनुको यस्तो छ कारण ?

२७ पुष, काठमाडाैं ।  शेयर लगानीकर्ताहरुसँग लगानी गर्ने तरलता वृद्धि भएसंगै आज साताको पहिलो कारोवार दिन बजारमा दोहोरो अंकको वृद्धि देखिएको छ । आज नेप्से परिसूचकमा ४२ दशमलव ६१ अंकको वृद्धि देखिएको छ । बजार परिसूचक नेप्से आज ३ दशमवल ५१ प्रतिशतले वृद्धि भएको छ । बजार १२५५ दशमवल ७२ को विन्दुमा बन्द भएको छ ।

कारोवार रकम पनि आकर्षक वृद्धि हुँदै १ अर्ब ३३ करोड पुगेको छ । आज १७९ कम्पनीका ३८ लाख ३१ हजार कित्ता शेयर खरिदबिक्री भएको छ । यसपटक कम्पनीहरुले निकै छिटो र केही कम्पनीले साधारणसभाकै दिन नगद लाभांश प्रदान गरेकाले लगानीकर्तासँग केही तरल रकम आएको अनुमान लगाउन सकिन्छ । त्यस्तै तरलता सहज भएको र कर्जाको व्याज घटेको समाचारसँगै पनि बजारमा लगानीकर्ताहरु आकर्षित भएका छन् ।

आज सबै उपसुचकमा वृद्धि देखिएको छ । निर्जीवन बीमा कम्पनीहरुको उपसुचकमा सर्वाधिक ८ दशमलव १७ प्रतिशतको वृद्धि देखिको छ भने दोश्रोमा जीवन बीमा कम्पनीहरुको उपसुचकमा ६ दशमलव ८६ प्रतिशतको वृद्धि देखिएको छ । बजारलाई ड्राईभ गर्ने वाणिज्य बैंकहरुको उपसुचकमा २ दशमलव ५२ प्रतिशतको वृद्धि देखिएको छ ।

आज बजार खुलेबाट नै घट्न मानेको थिएन । आज बजारको खुला विन्दु र न्यून विन्दु एकै रहेको छ । त्यस्तै आज बजार ईण्ट्राडे हाईमा बन्द भएको छ । आज बजारको उच्च विन्दु र बन्द विन्दु १२५५ दशमलव ७२ रहेको छ । कारोवार रकम पनि बढेको, खुला विन्दु र न्यून विन्दु पनि एकै रहेको र बजार ईण्ट्राडे हाईमा बन्द हुनुलाई सकारात्मक प्रवृत्तिको रुपमा लिन सकिन्छ । यसले लगानीकर्ताको मनोबल बलियो छ भन्दा फरक पर्दैन । त्यस्तै आज बजारको ईण्ट्राडे चार्ट पनि बुलिस प्रवृत्तिको रहेको छ ।

प्रभु इन्स्योरेन्स, सूर्या लाईफ, नेपाल इन्स्योरेन्स, आरएमडीसी, प्रिमियर इन्स्योरेन्स, मेरो माईक्रोफाईनान्स र सिद्धार्थ इन्स्योरेन्सको शेयर मूल्य सर्वाधिक १० प्रतिशतले वृद्धि भएको छ भने माउण्टेन हाईड्रो नेपालको शेयर मूल्य सर्वाधिक २ दशमलव १५ प्रतिशतले घटेको छ । कारोवार रकमलाई आधार मान्दा नेपाल लाईफको सर्वाधिक ५ करोड ८८ लाख बराबरको शेयर खरिदबिक्री भएको छ ।

प्राविधिक विस्लेषण :

पहिलो प्रतिरोध : १२८५ पहिलो टेवा : १२२५

• हाल नेप्से गत ७ सातादेखि बढ्दो प्रवृत्तिमा रहेको छ र आज बजार अघिल्लो कारोबार दिनभन्दा ३ दशमलब ५१ प्रतिशतले बृद्धि भएको छ ।
• आजको मैनबत्तीले “बुलिस मारुबोजु” को चित्र बनाएको छ । यसले अर्को दिन पनि बजार बढ्न सक्ने जानकारी गर्दछ ।
• दैनिकी अवधिमा “आरएसआई” ८२ दशमलब २६ को बिन्दुमा छ । आरएसआईले बजारमा बढी खरिद भएको जनाएको छ ।
• “एडिएक्स” र जोड र बिजोड “डाइरेक्सनल इन्डेक्स” हरुले खरिदकर्ताको चाप रहेको जानकारी गराएको छ ।
• नेप्सेको प्रवृत्तिलाई “अन ब्यालेन्स भल्यूम” ले  समर्थन गरेको छ ।
• नेप्से बढेमा पहिलो प्रतिरोध १२८५ को क्षेत्रमा पाउने देखिन्छ र घटेमा पहिलो टेवा १२२५ को क्षेत्रमा पाउने देखिन्छ ।