आर्थिक आधारमा मात्र आर्थिक जरिवाना हुनुपर्ने चेम्बर अध्यक्ष राजेशकाजीको जिकिर

२७ पुष, काठमाडौं । नेपाल चेम्बर अफ कमर्सका अध्यक्ष राजेशकाजी श्रेष्ठले आर्थिक आधारमा मात्र आर्थिक जरिवाना हुनुपर्ने बताएका छन् ।

नेपाल चेम्बर अफ कमर्सको ६९ औं वार्षिक साधारण सभा, चेम्बर दिवस २०७६ तथा चेम्बरको ७० वर्ष प्रवेशको पूर्वसन्ध्यामा चेम्बर कार्य समितिका सदस्य, प्रदेश-नगर चेम्बर अफ कमर्सका अध्यक्षहरु र प्रतिनिधिसँगको भेटघाट तथा राजश्व सम्बन्धी अन्तरक्रिया कार्यक्रममा उनले आर्थिक ऐन लागु भएको ४ महिना भित्रै करका दर परिवर्तन हुन नहुने बताएका छन् । अध्यक्ष श्रेष्ठले अनिवार्य प्यान, ढुवानीमा भ्याट, स्थानिय प्रदेश तथा संघीयमा दोहोरो र फरक मापदण्ड, भंसार मुल्यांकन, बैंक कर्जालाई कर कार्यालयको सहमति, पूख्र्यौली सम्पत्ति हक स्थानान्तरमा उच्च कर र सम्पत्ति अभिलेखिकरण लगायतमा सुधार हुनुपर्नेमा जोड दिए ।

उनले नेपालमा संघियता लागू भएपछि चेम्बर पनि पहिलेको जस्तो एकात्मक संरचनामा रहनु सान्र्दभिक नभई मुलुकको नीति निर्माणमा चेम्बरले गरेको नेतृत्वदायी भूमिका र अभियानमा जोडिन चाहना भएपछि स्थापित अवसरमा आउने हुदाँ राजश्व सम्बन्धी समस्या एंव सुझाव संकलन गर्न अन्र्तक्रिया आयोजना गरिएको जानकारी दिए ।

कार्यक्रममा राजश्व अनुसन्धान विभागका महानिर्देशक दीर्घराज मैनालीले आफ्नो विभागले असल व्यवसायीको संरक्षण गर्ने, छानविन अनुसन्धान मात्र गर्ने र पारदर्शी व्यवसायलाई प्रबद्र्धन गर्ने बताएका छन् । उनले कर प्रणाली स्वंयकर निर्धारण प्रणालीमा आधारित भएको हुँदा उद्यमी व्यवसायीलाई तदनुसार नै आफ्नो क्रियाकलाप गर्न आग्रह गरे । राजश्व अनुसन्धान विभागका महानिर्देशक मैनालीले २०७१ सालदेखि नै चर्चामा रहेको भीसीटीएस प्रणालीमा उल्लेख्य सहभागिता भएको बताउँदै यो प्रक्रिया झन्झटिलो नभएको उल्लेख गरे । उनले भीसीटीएसमा छिटो आबद्ध हुन समेत व्यवसायीलाई अनुरोध गरेका छन् ।

 भन्सार विभागका निमित्त महानिर्देशक श्यामप्रसाद भण्डारीले वैध व्यापारको विकल्प नभएको र भन्सार प्रशासन र डीजीटल हुने क्रममा निकै अगाडी बढीसकेको र यसको लागि व्यापार सहजीकरण गर्न आफु तयार रहेको बताए ।

सोही अवसरमा आन्तरिक राजश्व विभागका महानिर्देशक विनोदबहादुर कुँवरले जिल्ला-नगर चेम्बर अफ कमर्सका अध्यक्ष तथा पदाधिकारीहरुले उठाउनु भएको प्यान जारी गर्ने अधिार जिल्ला चेम्बरलाई दिने बारे गृहकार्य गरेर माथिल्लो निकायमा पुर्याउने बताए । साथै कर सचेतना कार्यमा सहकार्य गरी व्यापक गर्नु पर्ने, करको लागत, दूरी र समय घटाउन कार कार्यालयहरु बढाउने वा करदाता सेवा कार्यालयको स्तरोन्नती गरी आन्तरिक राजश्व कार्यलय गर्नेतर्फ सोच भईरहेको बताए । कर चुक्ता प्रणाली पूर्ण अपरेशनको माध्यमद्धारा लिन सकिने प्रयोगकर्ता मैत्री भैसकेको बारेमा प्रचार प्रसार जरुरी रहेको बताउँदै कर कार्यालयसम्म जानु नपर्ने स्थितीको सृजना गर्नेतर्फ विभाग लागिरहेको बताए ।

यसअघि आज बिहान चेम्बरले वाका थोन (Walkathon) कार्यक्रम गरेको थियो । ३ सय ५० जना सहभागी वाका थोन चेम्बर भवन जमलदेखि बसन्तपुर, न्यूरोट रत्नपार्क हुँदै पुनः चेम्बर भवन पुगी सम्पन्न भएको थियो । चेम्बरले वाका थोन पछि आज बिहानै चेम्बर भवनमा रक्तदान कार्यक्रम आयोजना गरेको थियो ।