चाबहिल–जोरपाटी–साँखु सडक
Advertisement

२७ पुष, काठमाडाैं । विगतका वर्षमा झैं यस वर्ष पनि शालीनदी मेलालाई लक्षित गरेर निर्माणाधीन चाबहिल–साँखु सडकमा खाल्डा पुर्ने कामलाई तीव्रता दिइने भएको छ । मेलाका लागि आउने दर्शनार्थीलाई यात्रा गर्न सहज होस् भनेर अहिले तत्काल कालोपत्र नहुने स्थानमा ग्राभेल गर्न लागिएको काठमाडौं उपत्यका सडक विस्तार आयोजनाले जनाएको छ । सो सडकमा अहिले थली, सलम्बुटार नजिक र वाग्मती पुल नजिक गरी तीन स्थानमा समस्या रहेको आयोजनामा कार्यरत इञ्जिनीयर विश्वविजयलाल श्रेष्ठले बताए ।

स्थानीयवासीको अवरोधका कारण ठेकेदारले काम गर्न नपाएको थली र सलम्बुटारमा तत्काल सडक कालोपत्र गर्न नसकिए पनि ग्राभेल गर्न आयोजनाले भनेको छ । उनले भने, “ठेकेदारले अवरोध गरिरहँदा किन कालोपत्र गर्ने भने पनि हामीले ठेकेदारलाई सम्झाएर कालोपत्र गर्न भनिरहेका छौँ ।”

चारवर्ष पहिले २२ मिटर चौडाइ कायम गर्ने गरी ठेक्का सम्झौता भएको थियो । झण्डै १० किमी सडकमध्ये पाँच किमी कालोपत्र सम्पन्न भइसकेको छ । कालोपत्र गर्न बाँकी सडकमध्ये पनि झण्डै डेढ किमी सडकमा समस्या रहेको इञ्जिनीयर श्रेष्ठले बताए। उनले भने, “पूरै सडक केही दिनभित्रै खाल्डारहित हुनेछ ।”

Advertisement

चावहिल–साँखु सडकमा झण्डै ५० प्रतिशत भागमा मात्रै

मापदण्डानुसार सडक चौडा भइरहेको छ । चौडाइ मापदण्डानुसार कायम भएका स्थानमा मात्रै पैदलयात्रु मार्ग, वर्षाको पानी जम्मा हुने ढललगायतका पूर्वाधारको निर्माण भइरहेको छ । उपलब्ध चौडाइमा सडक कालोपत्र गर्ने भनी गतवर्ष मन्त्रिपरिषद्ले गरेको निर्णयकै आधारमा काम अघि बढाउँदा सबै स्थानमा मापदण्डानुसार सडक निर्माण हुन नसकेको हो ।

Advertisement

प्रतिक्रिया दिनुहोस

कृपया तपाईंको प्रतिक्रिया दिनुहोस्!
कृपया यहाँ तपाईंको नाम प्रविष्ट गर्नुहोस्