२८ पुस काठमाडौं । नेपाली कांग्रेसका केन्द्रीय सदस्य तथा पूर्वस्वास्थ्यमन्त्री गगनकुमार थापाले दिलीप हत्या प्रकरणको प्रारम्भिक अनुसन्धानले डरलाग्दो प्रवृत्तिको उजागर गरेको बताएका छन् ।

सोमबार राती सामाजिक सञ्जाल फेसबुकमा एक स्टाटस लेख्दै उनले नदी र चुरे क्षेत्रको अवैध उत्खननसंग जोडिएको यो एउटा प्रतिनिधि घटना हो।यस्तो धन्धा रोक्न राज्य र दलको मिलेमतोमा हुने हालिमुहाली रोक्नैपर्ने बताएका छन् । उनी अघि लेख्छन्, यो पटक ति सबै पक्षको अनुसन्धान गरी संलग्न सबैलाई कारवाही होस् ।

घटना घट्छ, महत्वका साथ उठाउँछौँ, समय बित्छ अनि बिर्सन्छौं।नदीको अवैध दोहन र यसको अन्त्य गर्न संसदमा विषय उठाएको बेला टुङ्ग्याउन सकेको भए सायद आज दिलीपलाई गुमाउनु पर्दैनथ्यो होला ।

धनुषाको मिथिला–५ स्थित औरही खोलामा जथाभावी तरिकाले नदी उत्खनन् गरी बालुवा, गिट्टी झिकिएको विषयलाई रोक्न रोक्दा शुक्रबार महताको हत्या भएको थियो । प्रहरीको प्रारम्भिक अनुसन्धानले रडले घोचेर खोलामा सुताएपछि महतोलाई टिपरले किचेर मारिएको देखाएको छ ।

यो पनि हेर्नुस :

टिपरको ठक्करबाट युवकको मृत्यु, चालक पक्राउ

प्रदेश सरकारले दिलिपको परिवारलाई पाँच लाख दिने